Category: ពត៌មានអន្តរជាតិ

អ៊ីស្រាអែល បានចាត់ទុកការលើកឡើងរបស់ គណៈកម្មាធិការពិសេសនៃអង្គការសហប្រជាជាតិ (UN special committee) ដែលថាសង្គ្រាមនៅតំបន់ហ្កាហ្សា អាចចូលជាអំពើ ប្រល័យពូជសាសន៍នោះ។

លោក វ៉ូឡូឌីមៀ ហ្សេលេនស្គី ប្រធានាធិបតីអ៊ុយក្រែន កាលពីថ្ងៃអាទិត្យ(ទី១៧ ខែវិច្ឆិកា) បាននិយាយថាទុកឱ្យមីស៊ីលជាអ្នកបញ្ជាក់រឿងគ្រប់យ៉ាង បន្ទាប់ពីមានសេចក្ដីរាយការណ៍ថាទីក្រុងវ៉ាស៊ីនតោន បានបើកភ្លើងបៃតងឱ្យទីក្រុងកៀវ ប្រើប្រាស់មីស៊ីលដែលត្រូវបានផ្ដល់ដោយអាមេរិក ដើម្បីវាយប្រហារចូលក្នុងទឹកដីរុស្ស៊ី។ ប្រភពពីសារព័ត៌មាន Reuters។

អាជ្ញាធរនៅក្នុងរដ្ឋធានីញូវដេលី នៃប្រទេសឥណ្ឌា នៅថ្ងៃចន្ទ (ទី១៨ ខែវិច្ឆិកា)នេះបានសម្រេចបិទសាលារៀនហើយប្ដូរទៅរៀនតាមអនឡាញវិញ រហូតទាល់តែមានការជូនដំណឹងជាថ្មី ដោយសារតែផ្សែងអ័ព្ទមានជាតិពុលអណ្ដែតពាសពេញបរិយាកាស។ ប្រភពពីសារព័ត៌មាន AFP។

ប្រទេសឥណ្ឌាកាលពីថ្ងៃអាទិត្យ(ទី១៧ខែវិច្ឆិកា)បាន ប្រកាសពីការបាញ់ សាកល្បង ដោយ ជោគជ័យនៃមីស៊ីលរយៈចម្ងាយឆ្ងាយជាលើកដំបូងរបស់ខ្លួន។ ប្រភពពីសារព័ត៌មាន Anadolu។ ក្រសួងការពារជាតិបាននិយាយនៅក្នុងសេចក្តីថ្លែងការណ៍មួយថា ការសាកល្បងនេះត្រូវបានធ្វើឡើងកាលពីយប់ថ្ងៃសៅរ៍ នៅឯឆ្នេរសមុទ្រ Odisha ភាគខាងកើតប្រទេសឥណ្ឌា។

ប្រទេសម៉ុលដូវ៉ា ឬម៉ុលដាវី កាលពីថ្ងៃអាទិត្យ(ទី១៧ខែវិច្ឆិកា) បានថ្កោលទោសលើភាពមិនពិតនិងការប្រើប្រាស់ឧបាយកលលើប្រទេសរបស់ខ្លួន ដែលធ្វើឡើងដោយបេសកជនរបស់ទីក្រុងម៉ូស្គូដោយជំរុញឱ្យគាត់ជំនួសឱ្យការធានាឱ្យមានការដកកងទ័ពរុស្ស៊ីចេញពីផ្នែកខ្លះនៃម៉ុលដាវី។ ប្រភពពីសារព៏ត៌មានAnadolu Agency។

ប៉ូលិស អ៊ីស្រាអែលបានចាប់ខ្លួនមនុស្សបីនាក់កាលពីថ្ងៃអាទិត្យ(ទី១៧ខែវិច្ឆិកា)ជុំវិញការបំផ្ទុះគ្រាប់បែកលើផ្ទះរបស់នាយករដ្ឋមន្ត្រី Benjamin Netanyahu នៅភាគខាងជើង ប្រទេសអ៊ីស្រាអែល។ ប្រភពពីសារព័ត៌មានAnadolu នៅថ្ងៃចន្ទសប្តាហ៍នេះ។

ប្រទេសទួរគី បានបដិសេធសំណើរបស់នាយករដ្ឋមន្ត្រីអ៊ីស្រាអែល Isaac Herzog ក្នុងការប្រើប្រាស់ដែនអាកាសរបស់ខ្លួនសម្រាប់ការហោះហើររបស់គាត់ដើម្បីចូលរួមកិច្ចប្រជុំកំពូលអាកាសធាតុ COP29 នៅទីក្រុងបាគូ រដ្ឋធានីរបស់ប្រទេស Azerbaijan ។ ប្រភពពីសារព័ត៌មានរដ្ឋរបស់ទួរគី នៅថ្ងៃចន្ទទី 18 ខែវិច្ឆិកានេះ។

ក្រសួងសុខាភិបាលលីបង់ បាននិយាយកាលពីថ្ងៃសៅរ៍(ទី១៦ខែវិច្ឆិកា)ថា ចំនួនអ្នកស្លាប់ ដោយសារការវាយលុកដែលកំពុងបន្តរបស់អ៊ីស្រាអែល លើប្រទេសលីបង់ ចាប់តាំងពីថ្ងៃទី 8 ខែតុលា ឆ្នាំ 2023 បានកើនឡើងដល់ 3,452នាក់ហើយ។ ប្រភពពីសារព័ត៌មានAnadolu Agency ។

យោងតាមការស្ទាបស្ទង់ភូមិសាស្ត្រអាមេរិក បានឱ្យដឹងថា ការរញ្ជួយដីដ៏ខ្លាំងមួយកម្រិត 6.2 រ៉ិចទ័រ បានអង្រួនតំបន់ Koshima របស់ប្រទេសជប៉ុន កាលពីថ្ងៃអាទិត្យ(ទី១៧ខែវិច្ឆិកា)។ ប្រភពពីសារព័ត៌មានAnadolu ។

ជនជាតិប៉ាឡេស្ទីន ៩៦នាក់បានស្លាប់និង ០នាក់ផ្សេងទៀតរងរបួសនៅក្នុងការវាយប្រហារតាមអាកាសរបស់អ៊ីស្រាអែល នៅភាគខាងជើង និងកណ្តាលហ្គាហ្សាស្ទ្រីប កាលពីថ្ងៃអាទិត្យ(ទី១៧ខែវិច្ឆិកា)នេះបើយោងតាមអាជ្ញាធរក្នុងតំបន់។