យោធាកូរ៉េខាងត្បូង នៅថ្ងៃព្រហស្បតិ៍នេះ បានលើកឡើងថាកូរ៉េខាងជើង បានបាញ់សាកល្បងមីស៊ីលបាលិស្ទីគ ចម្ងាយខ្លី ប្រហែលជា១០គ្រាប់ ចូលក្នុងសមុទ្រខាងកើត ឬសមុទ្រជប៉ុន តែប៉ុន្មានថ្ងៃប៉ុណ្ណោះ ។
បន្ទាប់ពីការប៉ុនប៉ងបាញ់បង្ហោះផ្កាយរណបស៊ើបការណ៍របស់ទីក្រុង ព្យុងយ៉ាង បានទទួលបរាជ័យ។
-នេះបើតាមសារព័ត៌មាន Reuters។
នៅក្នុងសេចក្ដីថ្លែងការណ៍ យោធាកូរ៉េខាងត្បូង បានបញ្ជាក់ថាមីស៊ីលបាលិស្ទីគខាងលើត្រូវបានបាញ់ចេញពីតំបន់ Sunan ស្ថិតនៅក្បែររដ្ឋធានីព្យុងយ៉ាង នៅម៉ោង៦៖១៤នាទីព្រឹក ថ្ងៃព្រហស្បតិ៍នេះ និងបានហោះក្នុងចម្ងាយ ៣៥០គីឡូម៉ែត្រ មុននឹងធ្លាក់ចូលសមុទ្រខាងកើត។
ចំណែក នាយករដ្ឋមន្ត្រីជប៉ុន លោក Fumio Kishida ក៏បាននិយាយដែរថាកូរ៉េខាងជើងបានបាញ់មីស៊ីលបាលិស្ទីគមួយគ្រាប់ ។
ដែលទំនងជាបានធ្លាក់នៅខាងក្រៅតំបន់សេដ្ឋកិច្ចផ្ដាច់មុខ របស់ជប៉ុន និងកំពុងប្រមូលព័ត៌មានបន្ថែម។
គួរបញ្ជាក់ថា ការបាញ់សាកល្បងមីស៊ីលរបស់កូរ៉េខាងជើង កើតមានឡើង តែប៉ុន្មានថ្ងៃប៉ុណ្ណោះបន្ទាប់ពីការប៉ុនប៉ងបាញ់បង្ហោះផ្កាយរណបស៊ើបការណ៍របស់ ទីក្រុងព្យុងយ៉ាងបានទទួលបរាជ័យ។
នៅថ្ងៃព្រហស្បតិ៍នេះដែរ ក្រសួងការបរទេសកូរ៉េខាងជើងបានថ្កោលទោសសេចក្ដីថ្លែងការណ៍របស់ប្រមុខ UN លោក Antonio Guterres ដែលនិយាយថាការបាញ់បង្ហោះផ្កាយរណបស៊ើបការណ៍សាជាថ្មីដោយប្រើប្រាស់បច្ចេកវិទ្យាមីស៊ីលបាលិស្ទីគ គឺជាទង្វើបំពានលើ ដំណោះស្រាយរបស់ក្រុមប្រឹក្សាសន្តិសុខ UN៕