សាកសពជនជាតិប៉ាឡេស្ទីនជាង 120នាក់ ត្រូវបានរកឃើញ ក្នុងគំនរបាក់បែក រយៈពេល២ថ្ងៃ ចុងក្រោយនេះ។
បន្ទាប់ពីកងកម្លាំងអ៊ីស្រាអែលចាកចេញពីជំរុំ Jabalia នៅភាគខាងជើង Gaza Strip ។
ប្រភពវេជ្ជសាស្ត្រ នៅមន្ទីរពេទ្យ Kamal Adwan បានប្រាប់ Anadolu ថាក្រុមសង្គ្រោះបន្ទាន់ និងក្រុមការពារស៊ីវិល បានស្រង់សាកសពជនជាតិប៉ាឡេស្ទីន ជាង 120 នាក់ ចេញពីផ្លូវដែលត្រូវបានបំផ្លាញ និងនៅក្រោមគំនរបាក់បែកនៃអគារ ដែលដួលរលំនៅក្នុងជំរុំ Jabalia ជាមួយនឹងការបោសសម្អាតសំរាម និងកំទេចកំទីនៅតែកំពុងដំណើរការ។
កាលពីថ្ងៃសុក្រ យោធាអ៊ីស្រាអែលបានប្រកាសបញ្ចប់ ការវាយលុករបស់ខ្លួននៅក្នុងតំបន់ Jabalia បន្ទាប់ពីរយៈពេល 20 ថ្ងៃ។
ចំពេលមានការចោទប្រកាន់ថាទីក្រុង Tel Aviv កំពុងលាក់បាំងតួលេខជនរងគ្រោះពិតប្រាកដ ការវាយលុកក៏បានឆក់យកជីវិតទាហានអ៊ីស្រាអែល ១០ នាក់ផងដែរ។
ប្រជាជនប៉ាឡេស្ទីនជិត 36,400 នាក់ត្រូវបានសម្លាប់ នៅហ្គាហ្សាចាប់តាំងពីអ៊ីស្រាអែលបានចាប់ផ្តើមការវាយលុករបស់ខ្លួនជិតប្រាំបីខែមុន។
យោងតាមអាជ្ញាធរសុខាភិបាលក្នុងតំបន់បានឱ្យដឹងថា ភាគច្រើននៃអ្នកស្លាប់ទាំងនោះគឺជាស្ត្រី និងកុមារ ហើយជាង 82,400 នាក់ផ្សេងទៀតបានរងរបួស។
ការវាយប្រហារដែលដឹកនាំដោយក្រុមហាម៉ាសកាលពីថ្ងៃទី៧ ខែតុលា បានសម្លាប់មនុស្សប្រហែល ១ ២០០នាក់។
តំបន់ហ្គាហ្សាដ៏ធំល្វឹងល្វើយ បានខ្ទេចខ្ទាំ ចំពេលមានការបិទផ្លូវដ៏លំបាករបស់អ៊ីស្រាអែលចំពោះអាហារ ទឹកស្អាត និងថ្នាំពេទ្យ។
អ៊ីស្រាអែលត្រូវបានចោទប្រកាន់ពីបទប្រល័យពូជសាសន៍នៅតុលាការយុត្តិធម៌អន្តរជាតិ (ICJ) ។
ដែលសេចក្តីសម្រេចចុងក្រោយបានបញ្ជាឱ្យទីក្រុង Tel Aviv បញ្ឈប់ជាបន្ទាន់នូវប្រតិបត្តិការរបស់ខ្លួននៅទីក្រុង Rafah ជាកន្លែងដែលប្រជាជនប៉ាឡេស្ទីនជាង១លាននាក់បានស្វែងរកការជ្រកកោនពីសង្គ្រាម៕