បណ្តាប្រទេសអ៊ឺរ៉ុប បន្តផ្គត់ផ្គង់អាវុធដល់អ៊ីស្រាអែល ខណៈដែលអ៊ីស្រាអែល ក៏កំពុងបន្តវាយលុកទៅលើតំបន់ហ្គាហ្សា គ្មានឈប់ឈរ..!។
យោងតាមវិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI)។
ដែលជាវិទ្យាស្ថានអន្តរជាតិឯករាជ្យដែលមានមូលដ្ឋាន នៅប្រទេសស៊ុយអែត បានឱ្យដឹងថា៖ ប្រទេសបារាំង អ៊ីតាលី និងអាល្លឺម៉ង់ រួមជាមួយនឹងសហរដ្ឋអាមេរិក មានចំនួន 81% នៃការនាំចូលអាវុធរបស់មជ្ឈិមបូព៌ារវាងឆ្នាំ 2019 និង 2023 គ្រឿងសព្វាវុធ ការគ្រប់គ្រងអាវុធ និងការរំសាយអាវុធ។
ការចំណាយយោធា របស់អ៊ីស្រាអែល បានកើនឡើង 24% ដល់ 27.5 ពាន់លានដុល្លារ បន្ទាប់ពីការវាយប្រហាររបស់ខ្លួនលើតំបន់ហ្គាហ្សា ដែលធ្វើឱ្យវាក្លាយជាអ្នកចំណាយអាវុធធំទីពីរនៅមជ្ឈិមបូព៌ា។
ចាប់ពីឆ្នាំ 2014 ដល់ឆ្នាំ 2022 សហភាពអឺរ៉ុប បានផ្តល់អាជ្ញាប័ណ្ណនាំចេញទៅប្រទេសអ៊ីស្រាអែលដែលមានតម្លៃប្រហែល 6.3 ពាន់លានអឺរ៉ូ (6.8 ពាន់លានដុល្លារ) ។
អាវុធទាំងនេះ ត្រូវបានគេសង្ស័យថាបានរួមចំណែកដល់ការស្លាប់របស់ជនស៊ីវិលជាង 38,000 នាក់នៅហ្គាហ្សា រួមទាំងស្ត្រី 10,000 នាក់ និងកុមារជាង 15,000 នាក់។
ទោះបីជាប្រទេសមួយចំនួន នៅអឺរ៉ុប រួមទាំងបែលហ្ស៊ិក អ៊ីតាលី ហូឡង់ និងអេស្បាញ បានសម្រេចចិត្តបញ្ឈប់ការលក់អាវុធទៅឱ្យអ៊ីស្រាអែលក៏ដោយ ក៏មានការរាយការណ៍ព័ត៌មានថា ការបញ្ជូននៅតែមានបន្ត៕