(សៀមរាប)៖ អាជីវករបានសម្ដែងការហួសចិត្តជាខ្លាំង ដោយលើកឡើងថា ខ្លួនទិញទឹកសុទ្ធពីឃ្លាំងនៅក្បែរព្រំដែន ដើម្បីដឹកយកមកលក់បន្ត គ្រាន់នឹងបានប្រាក់ចំណេញ សម្រាប់ដោះស្រាយជីវភាពក្នុងគ្រួសារ!។
-បែរជា ត្រូវមន្ត្រីសាខាគយ និងរដ្ឋាករ ខេត្តសៀមរាប ដេញស្ទាក់និងគាបយកលុយ ពីគាត់បានសម្រេចចំនួន៥០ម៉ឺនរៀល ទើបដោះលែងវិញ…!។
-ករណីនេះត្រូវលោក កាង លាង ប្រធានសាខាគយ និងរដ្ឋាករ ខេត្តសៀមរាប បដិសេធចោល.ដោយថា ជារឿងយល់ច្រឡំ.!។
-ជុំវិញរឿងរ៉ាវខាងលើ អាជីវករបានអះអាងប្រាប់«ដើមរាំង»ថា កន្លងមកខ្លួនតែងតែទិញទឹកសុទ្ធម៉ាក(សិង្ហ) ពីឃ្លាំង១កន្លែង ត្រង់ចំណុចក្បែរ”ច្រកទ្វារព្រំដែនអន្តរជាតិអូរស្មាច់”ក្រុងសំរោង ខេត្តឧត្ដរមានជ័យ.!។
ពោលគឺ ឃ្លាំងទឹកសុទ្ធមួយនេះ ស្ថិតក្នុងទឹកដីខ្មែរ លក់ចែកចាយលើទីផ្សារស្រុកខ្មែរ.! ហើយបើថា ម្ចាស់ឃ្លាំងនាំចូលពីប្រទេសថៃ យ៉ាងណានោះ ជារឿងរបស់ឃ្លាំង.!។
ខណៈខ្លួនគ្រាន់តែ ជាអាជីវករតូចតាច ដែលទិញមកលក់បន្ត ដើម្បីបានប្រាក់ចំណេញ គ្រាន់នឹងដោះស្រាយជីវភាព ក្នុងគ្រួសារប៉ុណ្ណោះ!។
ម្យ៉ាងវិញទៀត រាល់ការទិញលក់របស់គាត់ គឺមានវិក្កយបត្រ ចេញពីឃ្លាំងត្រឹមត្រូវទៀតផង.!
មិនសមណាមន្ត្រីគយ ចាប់យកលុយបែបនេះឡើយ..!។
-អាជីវករបញ្ជាក់ថា៖ នៅថ្ងៃទី២០ ខែកក្កដា ឆ្នាំ២០២៤ ខ្លួនបានទិញទឹកសុទ្ធម៉ាក(សិង្ហ)ពីឃ្លាំងខាងលើចំនួន៤០០យួរ។
រួចក៏ដឹកតាមរថយន្ត ក្នុងបំណងយកមកលក់ បន្តនៅផ្ទះរបស់ខ្លួនក្នុងក្រុងសៀមរាប ដូចសព្វដង…!។
មិនដូច្នេះអី ពេលដឹកមកដល់ ត្រង់ចំណុច មុខវិទ្យាល័យ សម្តេចឪ ក្នុងសង្កាត់ស្រង៉ែ ក្រុងសៀមរាប នៃដងលើផ្លូវជាតិលេខ៦។
ស្រាប់តែលេចមុខ មន្ត្រីសាខាគយនិងរដ្ឋាករ ខេត្តសៀមរាប ជិៈរថយន្ត
ម៉ាក Hilux Vigo ពណ៌ស ផ្លាកលេខរដ្ឋ មកស្ទាក់ឃាត់ រថយន្តដឹកទឹកសុទ្ធរបស់ខ្លួន..!។
ដោយពេលនោះ មន្ត្រីគយ និយាយគំរាមថា ខ្ញុំឃាត់នេះគឺតាមបញ្ជាមេ នឹងតម្រូវឱ្យយករថយន្ត រួមនិងទឹកសុទ្ធទៅកន្លែង ដើម្បីធ្វើការផាកពិន័យចំនួន៤.០០០.០០០៛(បួនលានរៀល)។
ក្រោយឃាត់បានមួយសន្ទុះ មន្ត្រីគយ ក៏និយាយទៀតថា បើសម្រួលគ្នានៅទីនេះ គឺបង់ត្រឹម១.០០០.០០០៛(មួយលានរៀល)។
-ដោយសារភ័យខ្លាចរឿងចាប់យករថយន្តទៅកន្លែង.អាជីវករក៏បានតាមអង្វរ និងព្យាយាមសម្របសម្រួល សុំថ្លៃជាមួយមន្ត្រីគយ..!។
ដោយផ្អែកថា ខ្លួនពុំមែនរត់ពន្ធទំនិញ ឬដឹកទឹកសុទ្ធ គេចពន្ធពីបរទេសនោះទេ.គឺរូបគាត់ទិញទឹកសុទ្ធពីឃ្លាំងនៅកម្ពុជា និងមានវិក្កយបត្រ ថែមទៀត..!។
ក្រោយមានការជជែកសុំថ្លៃគ្នា រវាងអាជីវករនិងមន្ត្រីគយ ទម្រាំត្រូវថ្លៃគ្នាចំនួន៥០ម៉ឺនរៀល។
ភ្លាមនោះអាជីវករ ក៏បានបាញ់លុយឱ្យមន្ត្រីគយ ចំនួន៥០ម៉ឺនរៀលតាមរយៈកុងធនាគារ ABA ដែលមានមន្ត្រីគយអ្នកទទួល ឈ្មោះ KAO VISOTH ។
អាជីវករបន្តថា ក្រោយខ្លួនបាញ់លុយឱ្យមន្ត្រីគយ តាមការទាមទារហើយនោះ ទើបមន្ត្រីគយ អនុញ្ញាតឱ្យគាត់ បន្តដំណើរទៅមុខទៀត…!។
អាជីវករបញ្ជាក់ទៀតថា ការបង់លុយឱ្យគយ ចំនួន៥០ម៉ឺនរៀលនេះ គឺមន្ត្រីគយ មកស្ទាក់ចាប់យកលុយឆៅៗតែម្ដង។
ដោយគ្មានវិក្កយបត្រ ចុងសន្លឹកផាកពិន័យ ឬបង់ពន្ធចូលរដ្ឋអ្វីឡើយ។
ទាំងដែលទំនិញរបស់ខ្លួន ជាទឹកសុទ្ធ ក្នុងស្រុក ដែលមានវិក្កយបត្រពីចេញដេប៉ូ ពុំមែនរត់ពន្ធពីក្រៅប្រទេសនោះឡើយ។
-ឆ្លើយតប និងការអះអាងខាងលើ លោក កាង លាង ប្រធានសាខាគយ និងរដ្ឋាករ ខេត្តសៀមរាប បានថ្លែងប្រាប់«ដើមរាំង»នៅថ្ងៃទី២៦.០៧.២០២៤ថា ករណីខាងលើជាការយល់ច្រឡំ ពោលគឺលោក បានដោះស្រាយបញ្ចប់ហើយ.!។
-ចំពោះសំនួរថា តើមន្ត្រីក្រោមឱវាទបានយកលុយ៥០ម៉ឺនរៀល ដែរឬទេ..?។
-ត្រង់ចំណុចនេះលោក កាង លាង ក៏បានបដិសេធថា មិនមានការទទួលលុយនោះឡើយ។
-ទោះជាលោក កាង លាង បដិសេធបែបនេះក្ដី..!។
ប៉ុន្តែស្ដ្រីជាភរិយា បានអះអាងថា ការចាប់រថយន្តដឹកទឹកសុទ្ធក្នុងស្រុក កំណត់យកលុយបានសម្រេចចំនួន៥០ម៉ឺនរៀល ពីសំណាក់មន្ត្រីគយ មកលើប្ដីខ្លួន គឺជាការពិត៕ 
