យោងតាមរបាយការណ៍ របស់ប្រព័ន្ធផ្សព្វផ្សាយ បានឱ្យដឹងថា រ៉ុក្កែតជាច្រើនគ្រាប់ ត្រូវបានបាញ់ចេញពីភាគខាងត្បូងប្រទេសលីបង់ ឆ្ពោះសំដៅទៅកាន់ប្រទេសអ៊ីស្រាអែល កាលពីព្រឹកថ្ងៃអាទិត្យ….!។
ទូរទស្សន៍ ប៉ុស្តិ៍លេខ 14 របស់អ៊ីស្រាអែល បានរាយការណ៍ថា យ៉ាងហោចណាស់រ៉ុក្កែតចំនួន50 ត្រូវបានបាញ់ឆ្ពោះមកកាន់តំបន់ Upper Galilee ស៊ីរ៉ែនត្រូវបានគេឮជាលទ្ធផល នៃការបាញ់បង្ហោះ។
ក្រុមហាម៉ាស់ និងអ៊ីរ៉ង់ បានប្តេជ្ញាសងសឹកចំពោះការធ្វើឃាត ប្រធានការិយាល័យនយោបាយរបស់ក្រុមលោក Ismail Haniyeh កាលពីដើមសប្តាហ៍នេះ ក្នុងរដ្ឋធានីតេអេរ៉ង់របស់អ៊ីរ៉ង់ ។
ខណៈដែលក្រុមហេសបូឡាហ៍ បានសន្យាថា នឹងឆ្លើយតបទៅនឹងការសម្លាប់មេបញ្ជាការរបស់ខ្លួន គឺលោក Faud Shukr នៅក្នុងទីក្រុង Beirut ។
ការភ័យខ្លាចបានកើនឡើងអំពីសង្រ្គាមពេញទំហឹង រវាងអ៊ីស្រាអែល និងក្រុមហេសបូឡា ចំពេលមានការផ្លាស់ប្តូរភ្លើងឆ្លងព្រំដែន អស់រយៈពេលជាច្រើនខែ។
ការកើនឡើងនេះកើតឡើង ប្រឆាំងនឹងផ្ទៃខាងក្រោយ នៃការវាយលុករបស់អ៊ីស្រាអែល លើតំបន់ហ្គាហ្សា ដែលបានសម្លាប់ជនរងគ្រោះជិត 40,000 នាក់ចាប់តាំងពី ខែតុលា បន្ទាប់ពីការវាយប្រហារ ដោយក្រុមហាម៉ាស់ប៉ាឡេស្ទីន៕