ជនភៀសខ្លួនរ៉ូហ៊ីងយ៉ា ដែលកំពុងជាប់គាំង នៅក្នុងជំរុំ នៅភាគខាងត្បូងប្រទេសបង់ក្លាដែស។
បានប្រារព្ធ ទិវាប្រល័យពូជសាសន៍រ៉ូហ៊ីងយ៉ា លើកទី៧ កាលពីថ្ងៃអាទិត្យ(ទី២៥ ខែសីហា)។
ពិធីរំលឹកនេះធ្វើឡើង ខណៈដែលជនភៀសខ្លួនថ្មី ដែលភៀសខ្លួនចេញពីអំពើហិង្សា ក្នុងប្រទេសមីយ៉ាន់ម៉ា បានបន្តមកដល់ព្រំដែន…!។
កាលពីប្រាំពីរឆ្នាំមុន សហគមន៍រ៉ូហ៊ីងយ៉ា ភាគច្រើន ត្រូវបានបង្ខំឱ្យភៀសខ្លួនចេញពីរដ្ឋរ៉ាឃីន របស់មីយ៉ាន់ម៉ា ។
ដែលជាទង្វើ និងត្រូវបានទទួលស្គាល់ថា ជាអំពើប្រល័យពូជសាសន៍ ដោយអង្គការសហប្រជាជាតិ និងអង្គការអន្តរជាតិផ្សេងទៀត។
យោងតាមទិន្នន័យរបស់ក្រសួងការបរទេសបង់ក្លាដែស បច្ចុប្បន្នមានជនជាតិរ៉ូហ៊ីងយ៉ាជាង១.៣លាននាក់ នៅកោះ Cox’s Bazar និង Bhasan Char ។
ដោយមិនមានការធ្វើមាតុភូមិនិវត្តន៍ទេ បើទោះបីជា មានការប៉ុនប៉ងពីមុន ដើម្បីចាប់ផ្តើមដំណើរការក៏ដោយ។
ទោះបីជាមានភ្លៀងធ្លាក់ខ្លាំងក៏ដោយ ក៏ជនភៀសខ្លួនរ៉ូហ៊ីងយ៉ា យ៉ាងតិច 10,000 នាក់បានប្រមូលផ្តុំគ្នានៅពេលព្រឹកនៅវាល Camp-4 ក្នុង Ukhia ស្រុក Cox’s Bazar ដើម្បីរំលឹកដល់ ទិវាប្រល័យពូជសាសន៍រ៉ូហ៊ីងយ៉ា លើកទីប្រាំពីរ ចំពេលមានពាក្យស្លោកដូចជា យើងចង់ត្រលប់ទៅស្រុកកំណើតរបស់យើងវិញ និង ធានាសិទ្ធិសម្រាប់ជនជាតិរ៉ូហ៊ីងយ៉ា។
លោក Mohammad Alam មេដឹកនាំសហគមន៍រ៉ូហ៊ីងយ៉ានៅប្រទេសបង់ក្លាដែស បាននិយាយទៅកាន់ហ្វូងមនុស្ស មុនពេលដឹកនាំការអធិស្ឋានរបស់មូស្លីមពេលព្រឹក។
លោកបានអំពាវនាវឱ្យមាន សិទ្ធិត្រឹមត្រូវ និង ការធ្វើមាតុភូមិនិវត្តន៍ដោយសុវត្ថិភាព ដោយសង្កត់ធ្ងន់លើតម្រូវការសម្រាប់ការរស់នៅប្រកបដោយភាពថ្លៃថ្នូរជាមួយនឹងការទទួលបានការអប់រំនិងឱកាសការងារ។ អ្នកចូលរួមរាប់ពាន់នាក់បានឆ្លើយតបនឹងការទាមទាររបស់គាត់៕