ទីបញ្ជាការកណ្តាល របស់សហរដ្ឋអាមេរិក (CENTCOM) បានបញ្ជាក់កាលពីថ្ងៃសុក្រ(ទី១៣ខែកញ្ញា)ថា កងកម្លាំងរបស់ខ្លួននិងអ៊ីរ៉ាក់ បានធ្វើការវាយឆ្មក់នៅភាគខាងលិច ប្រទេសអ៊ីរ៉ាក់។
ដោយបានសម្លាប់ក្រុម Daesh/ISIS សរុបចំនួន១៤នាក់ ក្នុងនោះក៏មានមេដឹកនាំក្រុមផងដែរ កាលពីថ្ងៃទី 29 ខែសីហា។
CENTCOM បាននិយាយនៅក្នុងសេចក្តីថ្លែងការណ៍មួយថា ប្រតិបត្តិការនេះបានកំណត់គោលដៅ លើមេដឹកនាំក្រុម Daesh/ISIS ។
នេះជាផ្នែកមួយ នៃការវាយតម្លៃក្រោយការវាយឆ្មក់ដែលកំពុងបន្ត CENTCOM អាចបញ្ជាក់ថា មេដឹកនាំ ISIS បួននាក់ត្រូវបានសម្លាប់រួមមាន: Ahmad Hamid Husayn Abd-al-Jalil al-Ithawi ទទួលខុសត្រូវលើប្រតិបត្តិការទាំងអស់នៅក្នុងប្រទេសអ៊ីរ៉ាក់ Abu Hammam ទទួលខុសត្រូវក្នុងការត្រួតពិនិត្យទាំងអស់។
ប្រតិបត្តិការនៅអ៊ីរ៉ាក់ភាគខាងលិច Abu-‘Ali al-Tunisi ទទួលបន្ទុកត្រួតពិនិត្យការអភិវឌ្ឍន៍បច្ចេកទេស និង Shakir Abud Ahmad al-Issawi ទទួលបន្ទុកត្រួតពិនិត្យប្រតិបត្តិការយោធានៅភាគខាងលិចប្រទេសអ៊ីរ៉ាក់”។
ឧត្តមសេនីយ Michael Erik Kurilla បាននិយាយថា CENTCOM នៅតែប្តេជ្ញាចិត្តចំពោះការបរាជ័យដ៏យូរអង្វែងនៃក្រុម Daesh/ISIS ដែលនៅតែបន្តគំរាមកំហែងដល់សហរដ្ឋអាមេរិក សម្ព័ន្ធមិត្ត និងដៃគូរបស់ខ្លួន និងស្ថិរភាពក្នុងតំបន់៕