លោក Donald Tusk កាលពីល្ងាចថ្ងៃចន្ទ ត្រូវបានតែងតាំងជានាយករដ្ឋមន្ត្រីថ្មីរបស់ប្រទេសប៉ូឡូញ។ លោក Marcin Masalerek ប្រធានការិយាល័យប្រធានាធិបតី បានប្រាប់វិទ្យុ RMF FM កាលពីថ្ងៃចន្ទថា រដ្ឋាភិបាលរបស់លោកTusk ទំនងជានឹងស្បថចូលកាន់តំណែងនៅថ្ងៃពុធ។
លោក Tusk បាននិយាយបន្ទាប់ពីការបោះឆ្នោតថា “ខ្ញុំមិនអាចធ្វើអ្វីផ្សេងបានទេ ខ្ញុំត្រូវតែត្រលប់មកវិញ” ។ លោក Tusk ដែលមានអាយុ 66 ឆ្នាំគឺជានាយករដ្ឋមន្ត្រីនៅចន្លោះឆ្នាំ 2007 និង 2014 មុនពេលគាត់ក្លាយជាប្រធានក្រុមប្រឹក្សាអឺរ៉ុប។
គួរជម្រាបថា លោក Mateusz Morawiecki នាយករដ្ឋមន្ត្រី ដែលផុតអាណត្តិកាលពីថ្ងៃចន្ទ បានបាត់បង់ការបោះឆ្នោតទុកចិត្ត លើរដ្ឋាភិបាលរបស់លោក ក្នុងសភាជាន់ទាប (Sejm) ដោយសំឡេង 266-190៕