(ភ្នំពេញ)៖ ស្រ្តី២នាក់ជិះម៉ូតូឌុបគ្នាត្រូវរថយន្តមិនស្គាល់ម៉ាកបើកបញ្ច្រាសផ្លូវមកបុកម៉ូតូពេញទំហឹង បណ្តាលឱ្យអ្នកទាំង២រងរបួសធ្ងន់។ចំណែករថយន្ដបើករថយន្ដបង្កបេីករត់គេចបាត់។ ហេតុការណ៍គ្រោះថ្នាក់ចរាចរណ៍នេះបានកើតឡើនៅក្បែរសណ្ឋាគារ ឡាក់គីស្តារ កាល តាមបណ្តោយផ្លូវលេខ ៣៣៦ ក្នុងសង្កាត់ផ្សារដើមគ ខណ្ឌទួលគោក រាជធានីភ្នំពេញកាលពីរសៀលថ្ងៃទី ២២ ខែមករា ឆ្នាំ២០២៥ ។
ព័ត៌មានពីសន្តិសុខនៅក្បែរកន្លែងកើតហេតុបានប្រាប់ឲ្យដឹងថា មុនកើតហេតុគេឃើញ នារី២នាក់ជិះម៉ូតូស្កុបពីផ្លាកលេខ ភ្នំពេញ 1JD-4633 ឌុបគ្នាតាមផ្លូវ៣៣៦ពីកើតទៅលិច។ពេល នោះស្រាប់តែមានបានរថយន្តកូរ៉េមួយគ្រឿង មិនចាំផ្លាកលេខធ្វើដំណើរតាមផ្លូវ៣៣៦ ក្នុងល្បឿនលឿនក្នុងទិសដៅ បើកបញ្ច្រាស់ទិសក៏បុកផ្លូវក៏ម៉ូតូចំពីមុខពេញទំហឹង បណ្តាលឲ្យនារី២នាក់នើរងរបួសធ្ន់។ភ្លាមៗនោះត្រូវបានគេជួយបញ្ជូនទៅមន្ទីរពេទ្យ។ចំណែករថយន្តបង្កបានបើកគេចខ្លួនបាត់។
ក្រោយកើតហេតុ សមត្ថកិច្ចមូលដ្ឋានបានមកដល់ទីតាំងរួចស្រាវជ្រាវរករថយន្តបង្កតាមកាំម៉េរ៉ាសុវត្ថិភាពស្វែងរកអ្នកបើករថយន្តបង្កមកចាត់ការតាមច្បាប់។ចំណែកម៉ូតូ ត្រូវបានសមត្ថកិច្ចយកទៅរក្សានៅអធិការដ្ឋាននគរបាលខណ្ឌទួលគោកដើម្បីរង់ចាំតំណាងម្ចាស់ម៉ូតូចូលខ្លួនដោះស្រាយពេលក្រោយ ៕