អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បានអះអាងកាលពីថ្ងៃសុក្រ(ទី៧ខែមីនា)ថាយុទ្ធសាស្ត្រ
យោធារបស់សហភាពអឺរ៉ុបគឺជានយោបាយដ៏គ្រោះថ្នាក់បំផុត។
ប្រភពពីសារព័ត៌មានBloomberg។
លោកស្រី Zakharova បាននិយាយថាការពិភាក្សានិងលទ្ធផលនៃកិច្ចប្រជុំកំពូលបានបង្ហាញថាសហភាពអឺរ៉ុបដែលដើមឡើយជាគម្រោងសមាហរណកម្មពាណិជ្ជកម្មនិងសេដ្ឋកិច្ចកំពុងផ្លាស់ប្តូរយ៉ាងឆាប់រហ័សទៅជាសម្ព័ន្ធមិត្តយោធាដែលមានបំណងផ្តល់ការបរាជ័យដល់ប្រទេសរុស្ស៊ី។
លោកស្រី បានរំលឹកថា ជំនួសឱ្យការស្វែងរកដំណោះស្រាយដោយសន្តិវិធី សហភាពអឺរ៉ុបបានប្រកាសផែនការបង្កើនជំនួយផ្នែកយោធា និងហិរញ្ញវត្ថុយ៉ាងឆាប់រហ័សដល់ទីក្រុង Kyiv ដូច្នេះដោយចេតនាធ្វើឱ្យមានភាពតានតឹង និងបិទលទ្ធភាពនៃការសន្ទនា៕