ទាហានស៊ូដង់បាននិយាយនៅពីថ្ងៃអង្គារ(ទី២៩ខែមេសា)ថា យ៉ាងហោចណាស់ជនស៊ីវិលចំនួន41 នាក់ទៀតត្រូវបានស្លាប់និងជាច្រើននាក់ទៀតបានរងរបួសនៅក្នុងការបាញ់ផ្លោងដោយកាំភ្លើងធំរបស់កងកម្លាំងជំនួយបន្ទាន់ប៉ារ៉ាយោធា (RSF)នៅ El-Fasher រដ្ឋធានីនៃរដ្ឋ North Darfur ភាគខាងលិចប្រទេសស៊ូដង់។
ប្រភពពីសារព័ត៌មានAnadolu Agency។
សេចក្តីថ្លែងការណ៍របស់យោធាបាននិយាយថា ស្ត្រី និងកុមារស្ថិតក្នុងចំណោមជនរងគ្រោះក្នុងការវាយប្រហារដែលបានកំណត់គោលដៅសង្កាត់លំនៅដ្ឋានក្នុងទីក្រុងកាលពីយប់ថ្ងៃចន្ទ។
កងទ័ពបាននិយាយថា កងកម្លាំងរបស់ខ្លួនអាចទប់ទល់នឹងការវាយប្រហាររបស់ RSF លើទីក្រុងនេះ ដោយបានសម្លាប់ពួកសកម្មប្រយុទ្ធចំនួន600 នាក់និងបំផ្លាញរថយន្តយោធាចំនួន25 គ្រឿង។
យ៉ាងណាមិញ មិនមានការអត្ថាធិប្បាយពីក្រុមឧទ្ទាមលើសេចក្តីថ្លែងការណ៍របស់យោធានោះទេ។
ការប្រយុទ្ធគ្នាបានផ្ទុះឡើងរវាងកងកម្លាំងកងទ័ព និងក្រុមសកម្មប្រយុទ្ធ RSF នៅ El-Fasher ចាប់តាំងពីថ្ងៃចន្ទ ដោយបង្ខំឱ្យអង្គការសប្បុរសធម៌-ផ្ទះបាយនៅក្នុងទីក្រុងបញ្ឈប់ការចែកចាយអាហារដល់ជនស៊ីវិល។ការប៉ះទង្គិចគ្នាដ៏សាហាវរវាងកងទ័ពស៊ូដង់ និង RSF ចាប់តាំងពីខែឧសភា ឆ្នាំ 2024 ទោះបីជាមានការព្រមានជាអន្តរជាតិអំពីហានិភ័យនៃការប្រយុទ្ធគ្នានៅក្នុងទីក្រុង ដែលជាមជ្ឈមណ្ឌលសម្រាប់ប្រតិបត្តិការមនុស្សធម៌នៅក្នុងរដ្ឋ Darfur ទាំងប្រាំក៏ដោយ៕