កាលពីថ្ងៃពុធ(ទី៩ខែកក្កដា) កងទ័ពអ៊ីស្រាអែលបាននិយាយថាខ្លួនបានចាប់ផ្តើមប្រតិបត្តិការពិសេសកំណត់គោលដៅ ទៅកាន់ភាគខាងត្បូងនៃប្រទេសលីបង់ ទោះបីជាមានកិច្ចព្រមព្រៀងបទឈប់បាញ់ក៏ដោយ។
ប្រភពពីសារព័ត៌មានAljazeera។
សេចក្តីថ្លែងការណ៍យោធាមួយបាននិយាយថា កងទ័ពមកពីកងពលធំទី 91 របស់ខ្លួនបានចាប់ផ្តើមនូវអ្វីដែលគេហៅថា ប្រតិបត្តិការពិសេសកំណត់គោលដៅ ដើម្បីរុះរើយន្តហោះចម្បាំងរបស់ហេសបូឡាហ៍ និងហេដ្ឋារចនាសម្ព័ន្ធយោធានៅក្នុងតំបន់។
កងទ័ព បាន អះអាង ថា ប្រតិបត្តិការ នេះ ត្រូវ បាន ចាប់ ផ្តើម បន្ទាប់ ពី បាន កំណត់ អត្តសញ្ញាណ ទីតាំង ផ្ទុក អាវុធ របស់ ក្រុម ហេសបូឡា និង នៅ ក្រោម ដី ក្នុង តំបន់ ជា ច្រើន តាម បណ្តោយ ព្រំដែន។
យោងតាមសេចក្តីថ្លែងការណ៍ កងកម្លាំងអ៊ីស្រាអែលបានរុះរើនូវបរិវេណដែលមានឃ្លាំងអាវុធ និងទីតាំងបាញ់ ដែលជាកម្មសិទ្ធិរបស់ក្រុម Hezbollah នៅក្នុងតំបន់ភ្នំ Jabal Blat នៅភាគខាងត្បូងប្រទេសលីបង់។
កងទ័ពក៏បានអះអាងផងដែរថា កងកម្លាំងរបស់ខ្លួនបានរឹបអូសអាវុធដែលលាក់នៅក្នុងតំបន់ Labbouneh ភាគខាងត្បូង និងបានរុះរើកន្លែងក្រោមដីមួយទៀតដែលប្រើសម្រាប់ផ្ទុកអាវុធ។
យ៉ាងណាមិញ មិនមានការអត្ថាធិប្បាយភ្លាមៗពីក្រុមហេសបូឡា ឬអាជ្ញាធរលីបង់ លើសេចក្តីថ្លែងការណ៍របស់អ៊ីស្រាអែលនោះទេ៕