យ៉ាងហោចណាស់មនុស្ស 7 នាក់ត្រូវបានសម្លាប់នៅក្នុងការវាយប្រហារថ្មីរបស់អ៊ីស្រាអែលនៅទូទាំងតំបន់ហ្គាហ្សាស្ទ្រីបកាលពីថ្ងៃព្រហស្បតិ៍ទី២៨ខែសីហា។
ប្រភពពីសារព័ត៌មានAnadolu Agency។
ប្រភពវេជ្ជសាស្រ្តបានប្រាប់ Anadolu ថាជនស៊ីវិលម្នាក់ត្រូវបានសម្លាប់ និងផ្សេងទៀតបានរងរបួសនៅពេលដែលយន្តហោះចម្បាំងអ៊ីស្រាអែលបានវាយប្រហារផ្ទះល្វែងលំនៅដ្ឋានមួយនៅក្នុងសង្កាត់ Al-Rimal នៅភាគខាងលិចទីក្រុង Gaza ។
មនុស្សជាច្រើននាក់ទៀតបានរងរបួសនៅក្នុងការវាយប្រហាររបស់អ៊ីស្រាអែលដែលបានកំណត់គោលដៅលើតង់ជំរកជនភៀសខ្លួនប៉ាឡេស្ទីននៅក្នុងជំរំជនភៀសខ្លួនShati នៅភាគខាងជើងតំបន់Gaza។
ស្ត្រីប៉ាឡេស្ទីនម្នាក់និងកូនរបស់នាងត្រូវបានសម្លាប់ក្នុងការវាយប្រហារលើជំរំជនភៀសខ្លួន Bureij នៅកណ្តាលតំបន់Gaza។
កងទ័ពអ៊ីស្រាអែលក៏បានបើកការបាញ់ប្រហារទៅលើជនស៊ីវិលដែលកំពុងរង់ចាំជំនួយនៅជិតច្រករបៀង Netzarim នៅកណ្តាលហ្គាហ្សា ដោយបានសម្លាប់មនុស្សពីរនាក់។
យន្តហោះគ្មានមនុស្សបើករបស់អ៊ីស្រាអែល បានវាយប្រហារកណ្តាល Khan Younis នៅភាគខាងត្បូង Gaza Strip ដោយបានសម្លាប់មនុស្សម្នាក់ និងរបួសកុមារនៅក្នុងតង់ជនភៀសខ្លួន។
ជនជាតិប៉ាឡេស្ទីនម្នាក់ទៀតត្រូវបានសម្លាប់និងពីរនាក់ផ្សេងទៀតបានរងរបួសដោយការបាញ់របស់កងទ័ពអ៊ីស្រាអែល ខណៈពេលដែលកំពុងរង់ចាំការផ្តល់ជំនួយនៅ Rafah ភាគខាងត្បូង Gaza៕