ស្តេច Abdullah II របស់ហ្ស៊កដានីបានសម្តែងការព្រួយបារម្ភ អំពីផែនការរបស់អ៊ីស្រាអែល ក្នុងការវាយប្រហារលើ Rafah ។
ដោយនិយាយថា “វាប្រាកដណាស់ថានឹងបង្កើតគ្រោះមហន្តរាយមនុស្សធម៌ មួយផ្សេងទៀត” ។
ព្រះអង្គបានមានបន្ទូលថា “ស្ថានភាព គឺមិនអាចទ្រាំទ្របានសម្រាប់មនុស្សជាងមួយលាននាក់ដែលត្រូវបានរុញចូលទៅក្នុង Rafah ចាប់តាំងពីសង្រ្គាមបានចាប់ផ្តើម” ដោយបន្ថែមថាពួកគេមិនអាចឈរនៅក្បែរ និងអនុញ្ញាតឱ្យរឿងនេះបន្ត។
«យើងត្រូវការបទឈប់បាញ់យូរអង្វែងឥឡូវនេះ ហើយសង្គ្រាមនេះត្រូវតែបញ្ចប់»។
ព្រះអង្គបានបន្ថែមថា “យើងត្រូវតែធ្វើការជាបន្ទាន់ និងភ្លាមៗ ដើម្បីធានាឱ្យបាននូវនិរន្តរភាពនៃការផ្តល់ជំនួយគ្រប់គ្រាន់ដល់តំបន់ហ្គាហ្សា តាមរយៈចំណុចចូល និងយន្តការដែលអាចកើតមានទាំងអស់” ។
គួរបញ្ជាក់ថា នាយករដ្ឋមន្ត្រីអ៊ីស្រាអែល លោក Benjamin Netanyahu ។
បានបញ្ជាឱ្យកងទ័ពបង្កើតផែនការពីរ ដើម្បីជម្លៀសជនស៊ីវិលចេញពីទីក្រុង Rafah ។
ដែលជាផ្ទះរបស់អ្នកស្រុកជាង 1.4 លាននាក់ ដែលកំពុងស្វែងរកការជ្រកកោនពីសង្គ្រាម និងដើម្បីកម្ចាត់ “កងវរសេនាតូច Hamas ដែលនៅសេសសល់” ។
ប្រជាជនប៉ាឡេស្ទីន បានស្វែងរកការជ្រកកោននៅ Rafah ខណៈដែលអ៊ីស្រាអែលបានវាយលុកតំបន់ដែលនៅសល់ចាប់តាំងពីថ្ងៃទី០៧ ខែតុលា បន្ទាប់ពីការលុកលុយឆ្លងព្រំដែនដោយក្រុមហាម៉ាស។
ការទម្លាក់គ្រាប់បែកជាបន្តបន្ទាប់របស់អ៊ីស្រាអែលបានសម្លាប់មនុស្សយ៉ាងហោចណាស់ 28,340 នាក់ និងបណ្តាលឱ្យមានការបំផ្លិចបំផ្លាញយ៉ាងច្រើន និងការខ្វះខាតសម្ភារៈចាំបាច់។
សង្គ្រាមអ៊ីស្រាអែល នៅលើតំបន់ហ្គាហ្សា បានធ្វើឱ្យប្រជាជន 85% នៃទឹកដីត្រូវផ្លាស់ទីលំនៅចំពេលមានការខ្វះខាតស្បៀងអាហារ ទឹកស្អាត និងថ្នាំពេទ្យ ខណៈ 60% នៃហេដ្ឋារចនាសម្ព័ន្ធនៃតំបន់នេះត្រូវបានខូចខាត ឬបំផ្លាញ។
នៅក្នុងសេចក្តីសម្រេចបណ្តោះអាសន្នមួយក្នុងខែមករា តុលាការយុត្តិធម៌អន្តរជាតិបានបញ្ជាឱ្យរដ្ឋាភិបាលអ៊ីស្រាអែល បញ្ឈប់ពីអំពើប្រល័យពូជសាសន៍ និងចាត់វិធានការ។
ដើម្បីធានាថាជំនួយមនុស្សធម៌ត្រូវបានផ្តល់ជូនដល់ជនស៊ីវិលនៅតំបន់ហ្គាហ្សា៕