សង្គមអឌ្ឍចន្ទក្រហមប៉ាឡេស្ទីន (PRCS) បាននិយាយកាលពីថ្ងៃសៅរ៍ថា រថយន្តជំនួយចំនួន 61គ្រឿង។
ដែលផ្ទុកដោយស្បៀងអាហារត្រូវបានបញ្ជូនទៅកាន់តំបន់ភាគខាងជើងនៃតំបន់ហ្គាហ្សាស្ទ្រីប ។
ដែលជាការខិតខំប្រឹងប្រែងដ៏ធំបំផុតចាប់តាំងពីការផ្ទុះឡើងនៃការ ប្រយុទ្ធគ្នាចាប់តាំងពីថ្ងៃទី 7 ខែតុលា។
ទីភ្នាក់ងារជំនួយ និងការងាររបស់អង្គការសហប្រជាជាតិសម្រាប់ជនភៀសខ្លួនប៉ាឡេស្ទីន (UNRWA) អង្គការសុខភាពពិភពលោក និងអ្នកស្ម័គ្រចិត្តមកពីអង្គការជំនួយប៉ាឡេស្ទីន នឹងចែកចាយជំនួយនេះ ប្រធានប្រព័ន្ធផ្សព្វផ្សាយ PRCS លោក Raed al-Nems បានប្រាប់ Anadolu ។
លោកបានបន្ថែមថា ជំនួយសរុបដែលបានឆ្លងកាត់ចូលទៅក្នុងតំបន់ហ្គាហ្សាស្ទ្រីបកាលពីថ្ងៃសៅរ៍តាមរយៈច្រកព្រំដែន Rafah រួមមានរថយន្តប្រហែល 200 គ្រឿងដែលដឹកប្រេង និងឧស្ម័នចម្អិនអាហារ។
គួរបញ្ជាក់ថា អ៊ីស្រាអែល និងក្រុមហាម៉ាស់ បានផ្លាស់ប្តូរជនជាតិអ៊ីស្រាអែល និងជនបរទេសចំនួន ២៤នាក់ សម្រាប់ជនជាតិប៉ាឡេស្ទីន ៣៩នាក់ ពីពន្ធនាគារអ៊ីស្រាអែល កាលពីថ្ងៃសុក្រ ដែលជាថ្ងៃដំបូងនៃការផ្អាកមនុស្សធម៌រយៈពេល ៤ថ្ងៃ ក្នុងការប្រយុទ្ធគ្នារវាងអ៊ីស្រាអែល និងក្រុមហាម៉ាស់ ដែលជាក្រុមតស៊ូប៉ាឡេស្ទីន។
នៅក្រោមកិច្ចព្រមព្រៀងនេះ ចំណាប់ខ្មាំងនឹងត្រូវដោះលែងជាក្រុមក្នុងរយៈពេល 4 ថ្ងៃ៕