(ព្រៃវែង)៖ ស្របពេលដែល ប្រជាពលរដ្ឋនាំគ្នាផ្ដិតមេដៃចំនួន៩០នាក់ ដើម្បីទាមទារឱ្យលោក សឿង ឌី (ហៅគយឌី)បញ្ឈប់សកម្មភាពជីកកកាយ”ដីបឹងឆ្ពៀស”ជាបន្ទាន់!!។
ស្រាប់តែលោកមេឃុំជើងភ្នំ
សូមជម្រាបថា គម្រោងជីកស្ដារប្រឡាយរបស់លោក សឿង ឌី(ហៅគយឌី)មានប្រវែង២.៥០០ម៉ែត្រ.លាតសន្ធឹងកាត់ចំកណ្ដាល”បឹងឆ្ពៀស”ស្ថិតក្នុងភូមិស្វាយសាមសិប និងភូមិរោងដំរី ឃុំជើងភ្នំ ស្រុកបាភ្នំ ខេត្តព្រៃវែង ដែលមានមាត់លើទទឹង១០ម៉ែត្រ និងបាតក្រោមទទឹង៤ម៉ែត្រ ដោយមិនទាន់គិតពីចម្ងាយអាចម៍ដីនិងទំនប់ ដែលនៅសងខាងប្រឡាយផងទេ..!។
ជុំវិញរឿងនេះ ពលរដ្ឋបានអះអាងថា”គយឌី”មានមហិច្ឆតាចង់យក”ដីបឹងឆ្ពៀស”ដែលជាដីសាធារណៈរបស់រដ្ឋមកធ្វើអាជីវកម្ម ជាប្រយោជន៍ឯកជន.ដោយខុសច្បាប់.អត់មាន.ស.ជ.ណ.ធ្វើអនុបយោគ អ្វីឡើយ..!!។
ក្នុងនោះ”គយឌី”គ្រាន់តែមានហត្ថលេខាពីអាជ្ញាធរឃុំ.ស្រុក.និងខេត្ត ដើម្បីមកធ្វើជាសំអាង ក្នុងការដាក់គ្រឿងចក្រ ជីកកកាយ”ដីបឹងឆ្ពៀស”តាមតែការចង់បានរបស់ខ្លួនប៉ុណ្ណោះ.។
ពលរដ្ឋបន្តថា ក្រោយឃើញអាជ្ញាធរស៊ីញេឯកភាពគ្នាបែបនេះហើយ..!
ពួកខ្លួន ក៏នាំគ្នាផ្ដិតមេដៃ ស្នើសុំទៅសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ឱ្យជួយអន្តរាគមន៍ដោះស្រាយ និងបញ្ឈប់សកម្មភាពជីកកកាយ”ដីបឹងឆ្ពៀស”ឱ្យខានតែបាន..!!។
ព្រោះថា គម្រោងជីកស្ដាររបស់”គយឌី”គឺចំកណ្ដាលបឹងនិងជ្រៅជាងផ្ទៃបឹង ហេតុនេះ(ទាំងទឹក+និងត្រី)ប្រាកដណាស់ នឹងមូលទៅក្នុងប្រឡាយរបស់គាត់! ហើយ”គយឌី”នឹងយកប្រឡាយមួយនេះ មកធ្វើអាជីវកម្មផ្ដាច់មុខមិនខានឡើយ.!។
បើតាមពលរដ្ឋ”គយឌី”មានគម្រោង
បង្កើត.បៀ.និងដាក់សម្រាស់.ក្នុងប្រឡាយ រួចប្រើមនុស្សយាមកាមយ៉ាងតឹងរ៉ឹង មិនឱ្យពលរដ្ឋ ធ្វើការនេសាទដូចមុនៗ.!។
មិនតែប៉ុណ្ណោះ មនុស្សជំនិតរបស់”គយឌី”ក៏បានបង្ហើបផងដែរថា គម្រោងប្រឡាយមួយនេះ នឹងក្លាយជាប្រព័ន្ធទឹកសម្រាប់ស្រោចស្រពដី”គយឌី”ប្រមាណជា៩០ហិកតា នឹងត្រូវលក់ទឹកឱ្យពលរដ្ឋ ដែលមានដីនៅក្បែរ តម្លៃ២០ម៉ឺនរៀល ក្នុង១ហិកតា..!។
ពលរដ្ឋបញ្ជាក់ថា ក្រោយមានប្រតិកម្មនៅពេលថ្មីៗនេះ អាជ្ញាធរក៏បានឱ្យផ្អាកសកម្មភាពជីកស្ដារ”បឹងឆ្ពៀស”ជាបណ្ដោះអាសន្ន ដើម្បីរង់ចាំគណៈកម្មការ ធ្វើការស្រាវជ្រាវ និងដោះស្រាយជាមុនសិន.!។
ប៉ុន្តែ”គយឌី”មិនស្ដាប់នោះឡើយ ដោយបន្តសកម្មភាពយ៉ាងគឃ្លើន លើសដើម ពោលគឺ នៅមុនពេលហាមឃាត់”គយឌី”ប្រើ(SK)ចំនួន២គ្រឿង សម្រាប់ជីកកកាយដីបឹង ត្រង់ចំណុចចុងប្រឡាយនិងក្បែរផ្ទះអ្នកភូមិ..!។
លុះអាជ្ញាធរឱ្យផ្អាក.ស្រាប់តែ”គយឌី”ប្ដូរយុទ្ធសាស្ត្រ ដោយបន្ថែម(SK)១គ្រឿងទៀត សរុបចំនួន៣គ្រឿង រួចចល័តទៅជីកនៅកណ្ដាល”បឹងឆ្ពៀស”ដែលជាកន្លែងស្ងាត់ និងឆ្ងាយពីផ្ទះអ្នកស្រុក..!។
ជាក់ស្តែងៈ ថ្ងៃទី០៣.០៤.២០២៥ គ្រឿងចក្រ”គយឌី”កំពុងធ្វើសកម្មភាពដដែល គ្រាន់តែប្ដូរទីតាំងពីម្ខាងបឹង ទៅជីកនៅកណ្ដាលបឹងប៉ុណ្ណោះ..។
-ដើម្បីឱ្យមានចម្លើយទាំងសងខាងនៅរសៀលទី០៣.០៤.២០២៥(ដើមរាំង)បានព្យាយាមសុំការបំភ្លឺពីលោក សឿង ឌី(ហៅគយឌី) ដោយលោកថ្លែងយ៉ាងខ្លីថា”រឿងច្បាប់ទម្លាប់មានត្រឹមណានោះ
គឺលោកមិនដឹងទេ”ក្នុងនោះលោក សឿង ឌី ក៏បានរុញឱ្យទៅសួររដ្ឋបាលខេត្តព្រៃវែង។
-រីឯលោក អន ភារៈ អភិបាលរងខេត្តព្រៃវែងនិងជាអ្នកនាំពាក្យ បានថ្លែងថា ករណីខាងលើ ស្រុក បានហាមឃាត់ហើយ ប៉ុន្តែបើចង់ច្បាស់សួរស្រុកទៀតទៅ.!។
-ចំណែកលោក ឡាយ សំអឿន
អភិបាលស្រុកបាភ្នំ មិនបកស្រាយឡើយ ដោយលោកថ្លែងយ៉ាងខ្លីថា ខ្ញុំជាប់ប្រជុំ រួចក៏ចុចបិទទូរស័ព្ទ.!។
-លោក អ៊ុក សំណាង ប្រធានមន្ទីរកសិកម្មរុក្ខាប្រមាញ់ និងនេសាទខេត្តព្រៃវែង
ក៏មិនអាចសុំការបំភ្លឺបានដែរ ដោយទូរស័ព្ទចូលហើយ លោកមិនទទួល.!។
-លោក ឃុន សាខឿន ប្រធានមន្ទីរធនធានទឹកនិងឧតុនិយម ខេត្តព្រៃវែង
បានថ្លែងប្រាប់(ដើមរាំង)ថា ករណីខាងលើ រដ្ឋបាលខេត្ត បានបើកកិច្ចប្រជុំកាលពីថ្ងៃទី៣១.០៣.២០២៥ ដោយបង្កើតគណៈកម្មការ ចុះពិនិត្យហើយ.!។
-ចំពោះលោក ឈុន ពុធគុន មេឃុំជើងភ្នំបានថ្លែងថា បើពលរដ្ឋនាំគ្នាផ្ដិតមេដៃជំទាស់មិនឱ្យកាយ ជារឿងល្អហើយ.ព្រោះរូបលោកក៏មិនចង់ឱ្យគេកាយដែរ ខណៈទីតាំងនោះជាដីបឹង..!។
បើតាមលោកមេឃុំ ដោយសារលោកមិនចង់ឱ្យកាយហ្នឹងហើយ ទើបរុញឱ្យទៅសុំនៅខេត្ត.ស្រាប់តែឯកឧត្ដមអភិបាលខេត្ត ស៊ីញេឯកភាពឱ្យកាយ..!។
លោកមេឃុំជើងភ្នំ អះអាងថា ពេលនេះខេត្ត.បានបង្កើតគណៈកម្មការចុះពិនិត្យ នឹងតម្រូវឱ្យផ្អាកជីកកកាយ”បឹងឆ្ពៀស”ជាបណ្ដោះអាសន្ន.។
-ចំពោះសំនួរថា ពលរដ្ឋឃើញចល័តគ្រឿងចក្រ ទៅកាយនៅកណ្ដាល”បឹងឆ្ពៀស”រាល់ថ្ងៃតើម៉េចវិញ..?។
-ត្រង់ចំណុចនេះលោកមេឃុំ បានឆ្លើយថា ចុមៗម៉េចចឹង គេឱ្យផ្អាកហើយតើ.ដើម្បីរង់ចាំការដោះស្រាយ.!។
-ជុំវិញរឿងនេះ ប្រជាពលរដ្ឋរាប់សិបគ្រួសារនៅស្រុកបាភ្នំ សុំស្នើយ៉ាងទទូចដល់ ឯកឧត្ដម សួន សុម៉ាលីន អភិបាលខេត្តព្រៃវែង
ឯកឧត្ដម ថោ ជេដ្ឋា រដ្ឋមន្ត្រីក្រសួងធនធានទឹកនិងឧតុនិយម
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ
ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ
ជាពិសេសសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា
មេត្តាជួយអន្តរាគមន៍ ឱ្យបញ្ឈប់សកម្មភាពរបស់”គយឌី”ដែលកំពុងដាក់គ្រឿងចក្រ ឈូសឆាយកាយ”បឹងឆ្ពៀស”សម្រាប់បម្រើផលប្រយោជន៍ផ្ទាល់ខ្លួន..។
ជាក់ស្តែង៖ ពុំមែនមានតែពលរដ្ឋប៉ុណ្ណោះទេ ដែលប្រតិកម្មនឹងសកម្មភាពខាងលើ ក្នុងនោះសូម្បីតែមន្ត្រីជាន់ខ្ពស់នៅសាលាស្រុកបាភ្នំ ក៏សម្ដែងការមិនពេញចិត្តដែរថាប្រសិនបើ”គយឌី”ជីកប្រឡាយនោះបានសម្រេចមែននោះ..!។
ប្រាកដណាស់ ផ្ទៃបឹងនឹងគោករាក់យ៉ាងលឿន ដោយសារអាចម៍ដី ដែលកាយចេញពីប្រឡាយផង និងមានប្រឡាយដែលជ្រៅជាងផ្ទៃបឹងផង.!។
អញ្ចឹងទាំងទឹកនិងត្រី គឺមូលចូលទៅក្នុងប្រឡាយរបស់”គយឌី”ទាំងអស់.!!
ហេតុនេះ”គយឌី”អាចក្ដោបផលប្រយោជន៍ពី”បឹងឆ្ពៀស”យ៉ាងពេញបន្ទុកក្រោមរូបភាពថែទាំប្រឡាយ.ដោយប្រមូលផលត្រីផង និងលក់ទឹកឱ្យពលរដ្ឋធ្វើស្រូវផង.ទាំងដែលគម្រោងជីកស្ដារ ក្នុងដីបឹងសាធារណៈមួយនេះ ពុំមាន.ស.ជ.ណ.ធ្វើអនុបយោគអ្វីទេ អាស្រ័យហេតុនេះ សូមថ្នាក់ដឹកនាំ មេត្តាពិនិត្យឡើងវិញផងទាន..!!៕
