កងទ័ពអ៊ីស្រាអែល បានសម្លាប់ជនជាតិប៉ាឡេស្ទីន ១៧នាក់ទៀត នាព្រឹកថ្ងៃចន្ទ ក្នុងការវាយប្រហារដ៏សាហាវនៅទូទាំងតំបន់ហ្គាហ្សាស្ទ្រីប ដែលបានបំផ្លិចបំផ្លាញដោយសង្រ្គាម។
នេះបើយោងតាមការចេញផ្សាយដោយ Aljazeera។
យោងតាមទីភ្នាក់ងារសារព័ត៌មានផ្លូវការរបស់ប៉ាឡេស្ទីន Wafa ជនជាតិប៉ាឡេស្ទីន ១៧ នាក់ត្រូវបានសម្លាប់នៅក្នុងការវាយប្រហារតាមអាកាសរបស់អ៊ីស្រាអែលទៅលើផ្ទះ និងតង់នៅទូទាំងតំបន់ហ្គាហ្សាស្ទ្រីប។
ជនរងគ្រោះចុងក្រោយនៃការវាយប្រហារដ៏ឃោរឃៅ របស់កងកម្លាំងអ៊ីស្រាអែល រួមមានជនជាតិប៉ាឡេស្ទីន 6 នាក់ដែលត្រូវបានសម្លាប់នៅតំបន់ Khan Younis ភាគខាងត្បូងនៃតំបន់ហ្គាហ្សា ដែលក្នុងនោះម្នាក់ត្រូវបានសម្លាប់ដោយកងកម្លាំងពិសេសអ៊ីស្រាអែល។
សារព័ត៌មាន Wafa បានបន្ថែមថាក្នុងអំឡុងពេលនៃការវាយប្រហារលើ Khan Younis កងទ័ពអ៊ីស្រាអែលបានកាត់ផ្តាច់សេវាទំនាក់ទំនងរបស់ទីក្រុង។
កាលពីថ្ងៃអាទិត្យ កងទ័ពអ៊ីស្រាអែលបានចាប់ផ្តើមការវាយលុកយ៉ាងទូលំទូលាយនៅក្នុងតំបន់ Gaza Strip ដែលហែកហួរដោយសង្រ្គាម។
កងទ័ពអ៊ីស្រាអែលបាននិយាយនៅក្នុងសេចក្តីថ្លែងការណ៍មួយថា ក្នុងរយៈពេលប៉ុន្មានថ្ងៃកន្លងមកនេះ កងទ័ពអ៊ីស្រាអែលនៅក្នុងបញ្ជាការខាងត្បូង ទាំងកងទ័ពឈរជើង និងបម្រុង បានចាប់ផ្តើមប្រតិបត្តិការលើដីដ៏ធំទូលាយមួយនៅទូទាំងភាគខាងជើង និងភាគខាងត្បូងនៃតំបន់ហ្គាហ្សាស្ទ្រីប ដែលជាផ្នែកនៃការចាប់ផ្តើមនៃ “ប្រតិបត្តិការរបស់ Gideon’s Chariots” ។
កងទ័ពអ៊ីស្រាអែលបានបន្តការវាយលុកយ៉ាងឃោរឃៅប្រឆាំងនឹងតំបន់ហ្គាហ្សាចាប់តាំងពីខែតុលាឆ្នាំ 2023 ដោយបានសម្លាប់ជនជាតិប៉ាឡេស្ទីនជាង 53,300 ដែលភាគច្រើនជាស្ត្រី និងកុមារ។
តុលាការឧក្រិដ្ឋកម្មអន្តរជាតិបានចេញដីកាចាប់ខ្លួនកាលពីខែវិច្ឆិកាឆ្នាំមុនសម្រាប់លោក Netanyahu និងអតីតរដ្ឋមន្ត្រីការពារជាតិរបស់គាត់ Yoav Gallant ពីបទឧក្រិដ្ឋកម្មសង្គ្រាម និងឧក្រិដ្ឋកម្មប្រឆាំងមនុស្សជាតិនៅក្នុងតំបន់ Gaza៕