រព័ន្ធផ្សព្វផ្សាយរដ្ឋបានរាយការណ៍ថា អាជ្ញាធរចិនបានចោទប្រកាន់គណបក្សវឌ្ឍនភាពប្រជាធិបតេយ្យ (DPP) ដែលកំពុងកាន់អំណាចរបស់តៃវ៉ាន់កាលពីថ្ងៃអង្គារ(ទី២៧ខែឧសភា)ថាបានគាំទ្រអង្គការហេកឃ័រដែលធ្វើការវាយប្រហារតាមអ៊ីនធឺណិតប្រឆាំងនឹងក្រុមហ៊ុនបច្ចេកវិទ្យានៅទីក្រុងក្វាងចូវរដ្ឋធានីនៃខេត្តក្វាងទុងរបស់ប្រទេសចិន។
ប្រភពពីសារព័ត៌មានAljazeera។
ការិយាល័យសន្តិសុខសាធារណៈក្រុងក្វាងចូវ សាខាស្រុក Tianhe បាននិយាយថា ក្រុមហេគឃ័រដែលគាំទ្រដោយអាជ្ញាធរ DPP បានធ្វើការវាយប្រហារតាមអ៊ីនធឺណិតកាលពីសប្តាហ៍មុន កាសែត Global Times បានរាយការណ៍។
អាជ្ញាធរចិនបាននិយាយថា ក្រុមនេះជាញឹកញាប់បានប្រើប្រាស់វេទិកាស្កែនទ្រព្យសកម្មអ៊ីនធឺណិតដែលអាចចូលដំណើរការបានជាសាធារណៈដើម្បីកំណត់គោលដៅប្រព័ន្ធបណ្តាញសំខាន់ៗជាង 1,000 នៅក្នុងខេត្ត និងតំបន់ជាង 10 នៅលើដីគោកក្នុងប៉ុន្មានឆ្នាំថ្មីៗនេះ។
ប៉ូលីសចិនបាននិយាយថាជាពិសេសចាប់តាំងពីឆ្នាំ 2024 មក មាត្រដ្ឋាននិងភាពញឹកញាប់នៃការវាយប្រហាររបស់ក្រុម Hacker នេះប្រឆាំងនឹងគោលដៅនានានៅក្នុងដីគោកបានកើនឡើងយ៉ាងខ្លាំង ជាមួយនឹងចេតនាច្បាស់លាស់នៃការរំខាន និងការបំផ្លិចបំផ្លាញ ដែលឆ្លុះបញ្ចាំងពីចេតនាព្យាបាទយ៉ាងខ្លាំង។
សាខាស្រុក Tianhe បាននិយាយថា ពួកគេបានរាយការណ៍ពីស្ថានភាពនេះទៅនាយកដ្ឋានជាតិពាក់ព័ន្ធ ហើយការស៊ើបអង្កេតលើករណីនេះនឹងបន្តហើយក្រុមឧក្រិដ្ឋជនពាក់ព័ន្ធ និងមេក្លោងរបស់ពួកគេនឹងត្រូវកាត់ទោស។
ទោះជាយ៉ាងណា តៃវ៉ាន់មិនបានប្រតិកម្ម នឹងការចោទប្រកាន់របស់អាជ្ញាធរចិន ទេ៕