(ថៃ)៖ នៅព្រឹកថ្ងៃចន្ទ ទី៧ ខែកក្កដា នាយកដ្ឋានទំនាក់ទំនងសាធារណៈថៃ បានបង្ហោះនៅលើទំព័រ Facebook របស់ខ្លួនពីមេបញ្ជាការភូមិភាគទី២ គឺ ឧត្តមសេនីយ៍ឯក Boonsin Padklang បានអញ្ជើញជនជាតិថៃមកទស្សនាប្រាសាទតាមាន់ ដែលស្ថិតនៅក្នុងខេត្តសុរិន្ទ។
មេបញ្ជាការយោធភូមិភាគទី២ ថៃ បានលើកឡើងថា ឧទ្យានប្រវត្តិសាស្ត្រប្រាសាទតាមាន់ ជាគោលដៅសំខាន់។ វារួមបញ្ចូលទាំងប្រាសាទតាមាន់ធំ ដែលជាប្រាសាទថ្មដ៏ស្រស់ស្អាតឆ្លុះបញ្ចាំងពីសិល្បៈ និងជំនឿហិណ្ឌូបុរាណ។
ដូច្នេះហើយ បានជាមេបញ្ជាការយោធភូមិភាគទី២ ចង់អញ្ជើញជនជាតិថៃ ទៅទស្សនាប្រាសាទតាមាន់ ដើម្បីលើកកម្ពស់វិស័យទេសចរណ៍ និងគាំទ្រសហគមន៍មូលដ្ឋានរបស់ខ្លួន៕