កាលពីថ្ងៃសៅរ៍(ទី១២ខែកក្កដា) ប្រធានាធិបតីអាមេរិក លោក ដូណាល់ ត្រាំ បានគំរាមកំហែងថា នឹងដំឡើងពន្ធនាំចូល ៣០% លើទំនិញពីសហភាពអឺរ៉ុប (EU) និងប្រទេសម៉ិកស៊ិក ដោយចាប់ផ្តើមពីថ្ងៃទី១ ខែសីហាខាងមុខនេះ។
ប្រភពពីសារព័ត៌មាន Reuters។
លោក ត្រាំ បានប្រកាសពីការដំឡើងពន្ធនេះ តាមរយៈលិខិតផ្លូវការដែលបានបង្ហោះនៅលើបណ្តាញសង្គម Truth Social របស់លោក។ ជាការឆ្លើយតបសហភាពអឺរ៉ុប និងម៉ិកស៊ិក បានចាត់ទុកការដំឡើងពន្ធនេះថាមិនយុត្តិធម៌និងបង្កការរាំងស្ទះ៕