រទេសក្នុងតំបន់ កំពុងធ្វើការអំពាវនាវដល់ប្រទេសថៃនិងកម្ពុជា ឲ្យបញ្ចប់ការប៉ះទង្គិចគ្នានៅតាមព្រំដែន ហើយងាកមករកសន្តិភាពនិងការសន្ទនា។
ប្រភពពីសារព័ត៌មានAnadolu Agency។
ប្រទេសចិន បាននិយាយថា ខ្លួនកំពុងសម្រុះសម្រួលរវាងប្រជាជាតិអាស៊ីអាគ្នេយ៍ទាំងពីរ រដ្ឋមន្ត្រីការបរទេសជប៉ុន Iwaya Takeshi កាលពីថ្ងៃសុក្របានជំរុញឱ្យកម្ពុជា និងថៃ អនុវត្តការអត់ធ្មត់ជាអតិបរមាដោយបង្ហាញក្តីសង្ឃឹមថាភាពតានតឹងនឹងត្រូវបានបន្ធូរបន្ថយដោយសន្តិវិធីតាមរយៈការសន្ទនា។
នេះបើតាមសេចក្តីថ្លែងការណ៍របស់ក្រសួង ការបរទេសជប៉ុន បានឲ្យដឹងថាលោក Takeshi បានធ្វើការអត្ថាធិប្បាយក្នុងអំឡុងពេលសន្ទនាតាមទូរស័ព្ទជាមួយសមភាគីកម្ពុជាលោក ប្រាក់ សុខុន។
យ៉ាងហោចណាស់មនុស្ស 16 នាក់ រួមទាំងជនជាតិថៃ 15 នាក់ និងជនជាតិខ្មែរម្នាក់ត្រូវបានសម្លាប់ចាប់តាំងពីភាគីទាំងពីរបានបើកការវាយប្រហារឆ្លងព្រំដែន រួមទាំងការវាយប្រហារតាមអាកាស និងការបាញ់គ្រាប់រ៉ុក្កែតកាលពីថ្ងៃព្រហស្បតិ៍ ការប៉ះទង្គិចគ្នាជាបន្តបន្ទាប់សម្រាប់ថ្ងៃទីពីរ។
មនុស្សរាប់សិបនាក់បានរងរបួស ខណៈដែលមនុស្សរាប់ពាន់នាក់ត្រូវបានផ្លាស់ទីលំនៅនៅតាមព្រំដែនទាំងពីរ៕