អគ្គនាយកទីភ្នាក់ងារថាមពលអាតូមិកអន្តរជាតិ (IAEA) លោក Rafael Mariano Grossi បានព្រមានអំពីការបង្កើនឡើងអាវុធនុយក្លេអ៊ែរ ជំនួសឱ្យការរំសាយអាវុធ បន្ទាប់ពីកិច្ចប្រជុំរបស់គាត់ជាមួយសម្តេចប៉ាប Leo XIV កាលពីថ្ងៃសុក្រទី៥ខែកញ្ញា។
ប្រភពពីសារព័ត៌មានljazeera។
លោក Grossi បានប្រាប់កាសែត Vatican News បន្ទាប់ពីកិច្ចប្រជុំរបស់គាត់ជាមួយសម្តេចប៉ាបថាលោកគិតថាអ្វីដែលយើងកំពុងឃើញជាទូទៅគឺថាមានការកើនឡើងនៃអាវុធនុយក្លេអ៊ែរ ផ្ទុយពីការរំសាយអាវុធ។ ដូច្នេះប្រទេសនានាកំពុងកែលម្អ និងបង្កើនអាវុធនុយក្លេអ៊ែររបស់ពួកគេ។
លោកបានកត់សម្គាល់ថាប្រទេសដែលមិនមានអាវុធនុយក្លេអ៊ែរកំពុងចាប់ផ្តើមនិយាយដោយបើកចំហបន្ថែមទៀតអំពីលទ្ធភាពនិងភាពចាំបាច់នៃការមានអាវុធនុយក្លេអ៊ែរ។
លោក Grossi បានគូសបញ្ជាក់យ៉ាងដូច្នេះថាអ្វីដែលយើងឃើញគឺថា ប្រទេសជាច្រើន រួមទាំងប្រទេសសំខាន់ៗនៅបស្ចឹមប្រទេស ដែលលាតសន្ធឹងក្នុងទ្វីបអាស៊ី ប្រហែលជាឃើញនូវអ្វីដែលយើងឃើញ ប្រហែលជាមានអាវុធនុយក្លេអែរនៅចុងបញ្ចប់នៃថ្ងៃនេះគឺជារឿងចាំបាច់។ ហើយនេះគឺជាអ្វីដែលយើងត្រូវបញ្ឈប់។
លោកបានរំលឹកឡើងវិញពីតម្រូវការសម្រាប់ការបញ្ឈប់និន្នាការឆ្ពោះទៅរកអាវុធនុយក្លេអ៊ែរបន្ថែមទៀត ដោយចាត់ទុកថាវាមានសារៈសំខាន់។
លោក Grossi ក៏បានព្រមានផងដែរថា រោងចក្រថាមពលនុយក្លេអ៊ែរ Zaporizhzhia ក្នុងប្រទេសអ៊ុយក្រែន នៅតែមានហានិភ័យ ដោយសារសង្គ្រាម៕