យោងតាមទីភ្នាក់ងារសារព័ត៌មានផ្លូវការរបស់ប៉ាឡេស្ទីន Wafa កសិករប៉ាឡេស្ទីនបីនាក់បានរងរបួសកាលពីថ្ងៃសៅរ៍ ទី២៥ខែតុលា បន្ទាប់ពីត្រូវបានវាយប្រហារដោយអ្នកតាំងលំនៅខុសច្បាប់អ៊ីស្រាអែលនៅភាគខាងត្បូងនៃ Nablus ដែលជាតំបន់ West Bank ដែលកាន់កាប់។
ប្រភពពីសារព័ត៌មានAljazeera។
អ្នកតាំងលំនៅខុសច្បាប់ដែលមានអាវុធបានវាយប្រហារអ្នករើសអូលីវដោយដំបង និងឆ្កែនៅក្នុងតំបន់ Wadi al-Hajj Issa នៃ Aqraba ដោយបានធ្វើឱ្យរបួសបីនាក់ និងបង្ខំឱ្យកសិកររត់គេចខ្លួនចេញពីដីរបស់ពួកគេ។
នៅក្នុងទីក្រុង Duma ក្បែរនោះ ទាហានអ៊ីស្រាអែលបានរារាំងជនជាតិប៉ាឡេស្ទីនមិនឱ្យចូលទៅក្នុងចម្ការអូលីវរបស់ពួកគេ នេះបើយោងតាមប្រធានក្រុមប្រឹក្សាភូមិ Suleiman Dawabsha។ លោកបាននិយាយថា អ្នកតាំងលំនៅខុសច្បាប់បានវាយប្រហារកសិករក្នុងស្រុកម្តងហើយម្តងទៀត លួចអូលីវ បំផ្លាញដើមឈើ។
គួរបញ្ជាក់ថា ប៉ាឡេស្ទីនបានផលិតប្រេងអូលីវប្រហែល 27,300 តោនក្នុងឆ្នាំ 2024 កើនឡើងពីត្រឹមតែ 10,000 តោនក្នុងឆ្នាំ 2023៕