នាយករដ្ឋមន្រ្តីនៃប្រទេសម៉ាឡេស៊ី លោក Anwar Ibrahim ប្រកាសថាម៉ាឡេស៊ីនឹងផ្តល់ជំនួយមនុស្សធម៌ គិតជាទឹកប្រាក់ស្មើនឹង១០លានរីងហ្គីត(២.៣លានដុល្លារ)ដើម្បីជួយដល់ជនរងគ្រោះដោយសាររញ្ជួយដីនៅមីយ៉ាន់ម៉ា។ ប្រភពពីសារព័ត៌មានCNA។
Category: ពត៌មានអន្តរជាតិ
Update៖ ក្រុមហ៊ូធីថា អាមេរិកបានវាយប្រហារតាមអាកាសចំនួន៧លើកលើខេត្តSaadaនៃប្រទេសយេម៉ែន!
ប្រព័ន្ធផ្សព្វផ្សាយHouthi បានរាយការណ៍កាលពីថ្ងៃសៅរ៍(ទី២៩ខែមីនា)ថា ការវាយប្រហារតាមអាកាសចំនួនប្រាំពីរលើករបស់អាមេរិកបានផ្តោតលើខេត្តSaada ភាគខាងជើងនៃប្រទេសយេម៉ែន។
Update៖ អ៊ីស្រាអែលអះអាងថា ខ្លួនបានស្ទាក់ចាប់កាំជ្រួចដែលបាញ់ចេញពីប្រទេសយេម៉ែន ដោយជោគជ័យ!
កងទ័ពអ៊ីស្រាអែលកាលពីថ្ងៃអាទិត្យ(ទី៣០ខែមីនា)បានអះអាងថា ខ្លួនបានស្ទាក់ចាប់កាំជ្រួចដែលបាញ់ចេញពីប្រទេសយេម៉ែន ដោយជោគជ័យមុនពេលដែលវាអាចវាយប្រហារដែនអាកាសអ៊ីស្រាអែល។
Update៖ ចំនួនអ្នកស្លាប់ដោយសាររញ្ជួយដីនៅប្រទេសថៃ បានកើនដល់១៧នាក់!
អាជ្ញាធរគ្រប់គ្រងគ្រោះមហន្តរាយក្នុងតំបន់បាននិយាយកាលពីថ្ងៃអាទិត្យ(ទី៣០ខែមីនា)ថា ចំនួនអ្នកស្លាប់ដោយសាររញ្ជួយដី កាលពីថ្ងៃសុក្រ នៅរដ្ឋធានីបាងកក របស់ប្រទេសថៃ បានកើនឡើងដល់ 17នាក់ ដោយមនុស្ស 32 នាក់បានរងរបួស និង83នាក់ទៀតកំពុងបាត់ខ្លួន។ ប្រភពពីសារព័ត៌មានAljazeera។
Update៖ អន្តរជាតិកំពុងស្វែងរកថវិកាជាង១០០លានដុល្លារ ដើម្បីជួយមីយ៉ាន់ម៉ា ក្នុងគ្រោះរញ្ជួយដី!
សហព័ន្ធអន្តរជាតិ នៃកាកបាទក្រហម និងអឌ្ឍចន្ទក្រហម IFRC បានបើកការអំពាវនាវជាបន្ទាន់ កាលពីថ្ងៃអាទិត្យចុងសប្តាហ៍ ដើម្បីស្វែងរកថវិកាជាង ១០០លានដុល្លារអាមេរិក សម្រាប់ជួយដល់ជនរងគ្រោះ ដោយសាររញ្ជួយដីនៅប្រទេសមីយ៉ាន់ម៉ា។
Update៖ លោក ត្រាំ ខឹងនឹងលោក ពូទីន ក្រោយកិច្ចចរចាបញ្ចប់សង្គ្រាមអ៊ុយក្រែន មិនបានផល!
សារព័ត៌មាន NBC បានរាយការណ៍ថា ប្រធានាធិបតីអាមេរិកលោក Donald Trump បាននិយាយកាលពីថ្ងៃអាទិត្យ៣០ ខែមីនាថា លោក ខឹងខ្លាំងចំពោះមេដឹកនាំរុស្ស៊ី គឺលោក Vladimir Putin ពាក់ព័ន្ធកិច្ចចរចាបញ្ចប់សង្រ្គាមនៅអ៊ុយក្រែន..!។
Update៖ ចំនួនអ្នកស្លាប់ដោយសាររញ្ជួយដីនៅមីយ៉ាន់ម៉ា បានកើនដល់១.៧០០នាក់និងបាត់ខ្លួនជាង ៣០០នាក់!
គ្រោះរញ្ជួយដីនៅមីយ៉ាន់ម៉ា បណ្ដាលឱ្យចំនួនអ្នកស្លាប់បន្តកើនឡើងដល់១.៧០០នាក់ ។ ខណៈក្រុមសង្គ្រោះ និងក្រុមផ្តល់ជំនួយបរទេសព្យាយាម ចូលទៅកាន់តំបន់ក្រីក្រ ជាទីដែលមន្ទីរពេទ្យពោរពេញដោយអ្នករងគ្រោះ ហើយសហគមន៍ក្នុងស្រុកប្រឹងប្រែងជួយសង្គ្រោះទៅតាមលទ្ធភាព។ ប្រភពពីសារព័ត៌មាន Reuters នៅថ្ងៃទី៣១ ខែមីនា ។
ចំនួនអ្នកស្លាប់នៅតំបន់ហ្គាហ្សាបានកើនដល់៥០.២៧៧នាក់ ខណៈសាកសពច្រើនទៀតត្រូវបានរកឃើញក្នុងគំនរបាក់បែក!
ក្រសួងសុខាភិបាលប៉ាឡេស្ទីន បាននិយាយកាលពីថ្ងៃសោរ៍(ទី២៩ខែមីនា)ថា ក្រុមគ្រូពេទ្យនិងក្រុមជួយសង្គ្រោះប៉ាឡេស្ទីន បានរកឃើញសាកសពចំនួន២៦បន្ថែមទៀតពីគំនរបាក់បែក នៅតំបន់ហ្គាហ្សាស្ទ្រីប ដែលជំរុញឱ្យចំនួនអ្នកស្លាប់សរុបពីសង្គ្រាមប្រល័យពូជសាសន៍ របស់អ៊ីស្រាអែលចាប់តាំងពីខែតុលាឆ្នាំ 2023 កើនដល់ 50,277នាក់។ នេះបើយោងតាមការចេញផ្សាយដោយ Anadolu។
Update៖ សិង្ហបុរី ផ្តល់ជំនួយជាង១១ម៉ឺនដុល្លារដល់ថៃនិងមីយ៉ាន់ម៉ា ដែលរងគ្រោះដោយសាររញ្ជួយដី!
កាកបាទក្រហមសិង្ហបុរី (SRC) បានសន្យាថាផ្តល់ថវិកាចំនួន១១ម៉ឺនដុល្លារ ដើម្បីសង្គ្រោះបន្ទាន់នូវគ្រោះរញ្ជួយដី នៅក្នុងប្រទេសមីយ៉ាន់ម៉ានិងថៃ។ ប្រភពពីសារព័ត៌មាន CNA កាលពីថ្ងៃសៅរ៍(ទី២៩ ខែមីនា)។
Update៖ ចំនួនអ្នកស្លាប់ដោយសារ រញ្ជួយដីនៅមីយ៉ាន់ម៉ា បានកើនដល់១.៦៤៤នាក់ និងរបួស៣.៤០៨នាក់!
រដ្ឋាភិបាលនៃប្រទេសមីយ៉ាន់ម៉ា បានឱ្យដឹងថា មនុស្សចំនួន១.៦៤៤នាក់បានស្លាប់ និងរបួសចំនួន៣.៤០៨នាក់ ខណៈ១៣៩នាក់ផ្សេងទៀតកំពុងបាត់ខ្លួន!។