Category: ពត៌មានអន្តរជាតិ

ប្រព័ន្ធផ្សព្វផ្សាយក្នុងស្រុក បានរាយការណ៍ថា ពិធីបុណ្យសពលោក Ismail Haniyeh ដែលជាប្រធានការិយាល័យនយោបាយរបស់ក្រុមហាម៉ាស់ប៉ាឡេស្ទីន ។ បានចាប់ផ្តើមកាលពីព្រឹកថ្ងៃព្រហស្បតិ៍ នៅក្នុងរដ្ឋធានីតេហេរ៉ង់ ដោយមានមនុស្ស និងមន្ត្រីជាច្រើនចូលរួម ពហរមទាំងប្រធានាធិបតីអ៊ីរ៉ង់ Masoud Pezeshkian ផងដែរ។

ក្រសួង​សុខាភិបាល ក្នុង​តំបន់​បាន​និយាយ​កាលពី​ថ្ងៃ​ព្រហស្បតិ៍​ថា៖ ការវាយបកសងសឹករបស់អ៊ីស្រាអែល មកលើតំបន់ហ្គាហ្សា ចាប់​តាំង​ពី​ថ្ងៃ​ទី៧ ខែ​តុលា ឆ្នាំមុនរហូតពេលនេះ!។ បណ្ដាលឱ្យប្រជាជន​ប៉ាឡេស្ទីន ស្លាប់សរុបចំនួន ៣៩.៤៨០នាក់ និងរបួសសរុបប្រហែល៩១.១២៨ នាក់ ដោយជនរងគ្រោះភាគច្រើន ជាស្ដ្រីនិងកុមារ។

មន្ត្រី និងអ្នកស្រុក បាននិយាយថា ទឹកជំនន់ ដែលបង្កដោយសារទឹកភ្លៀង បានបន្តវាយលុកភាគខាងជើងប្រទេសប៉ាគីស្ថាន កាលពីថ្ងៃពុធ ។ ដោយបានលិចសង្កាត់ នានា បណ្តាលឱ្យមានការរអិលបាក់ដី និងស្លាប់មនុស្ស យ៉ាងហោចណាស់ 35 នាក់ក្នុងរយៈពេល48 ម៉ោងកន្លងមកនេះ។

មនុស្សជាង50នាក់ទៀត ត្រូវបានគេរាយការណ៍ថា បាត់ខ្លួន នៅក្នុងករណីផ្ទុះពពក នៅរដ្ឋភាគខាងជើងនៃរដ្ឋ Himachal Pradesh របស់ឥណ្ឌា កាលពីថ្ងៃព្រហស្បតិ៍។ ខណៈពេលដែល អ្នកជួយសង្គ្រោះនៅតែបន្តស្វែងរកមនុស្ស191 នាក់ដែលបាត់ខ្លួន នៅក្នុងការរអិលបាក់ដីនៅរដ្ឋ Kerala ភាគខាងត្បូងកាលពីថ្ងៃអង្គារ..!។

កងទ័ពអ៊ីស្រាអែល បានអះអាងកាលពីថ្ងៃព្រហស្បតិ៍ថា លោក Mohammad Deif មេបញ្ជាការកងពលប្រដាប់អាវុធ របស់ក្រុមហាម៉ាស់។ ត្រូវបានសម្លាប់ នៅក្នុងការវាយប្រហារតាមអាកាស កាលពីចុងខែមុនប្រាកដមែន..!។

អ្នកយកព័ត៌មាន២នាក់ របស់ទូរទស្សន៍កាតា Al Jazeera ត្រូវបានសម្លាប់ នៅក្នុងការវាយប្រហារតាមអាកាសរបស់អ៊ីស្រាអែល នៅទីក្រុង Gaza កាលពីថ្ងៃពុធ។

ក្រសួងការពារជាតិ បាននិយាយកាលពីថ្ងៃពុធថា៖ អ៊ីស្រាអែល បានទិញសព្វាវុធ របស់អាមេរិក ក្នុងតម្លៃ១១ពាន់លានដុល្លារ ចាប់តាំងពី ផ្ទុះសង្រ្គាម នៅតំបន់ហ្គាហ្សាស្ទ្រីប កាលពីថ្ងៃទី៧ ខែតុលា រហូតពេលនេះ..!។

កងកម្លាំងប្រដាប់អាវុធហ្វីលីពីន បាននិយាយថា កងទ័ពជើងទឹកអាមេរិក និងហ្វីលីពីន បានធ្វើសមយុទ្ធដែនសមុទ្ររួមគ្នា នៅសមុទ្រចិនខាងត្បូង កាលពីថ្ងៃពុធ។ ចំពេលមានភាពតានតឹង កាន់តែខ្លាំងឡើងជាមួយប្រទេសចិន នៅក្នុងតំបន់។

មេបញ្ជាការកងទ័ពអ៊ីស្រាអែល លោក Herzi Halevi កាលពីថ្ងៃពុធបានគំរាមថា នឹងវាយលុកប្រទេសលីបង់ និងធ្វើឃាតបន្ថែមទៀតនៅក្នុងទីក្រុង Beirut ។

ក្រសួងការពារជាតិកូរ៉េខាងត្បូង បាននិយាយកាលពីថ្ងៃពុធថា៖សហរដ្ឋអាមេរិក បានព្រមព្រៀងគ្នាក្នុងការពង្រឹងសមត្ថភាព ឆ្លើយតបរួមគ្នារបស់ពួកគេប្រឆាំង នឹងការគំរាមកំហែងពីនុយក្លេអ៊ែររបស់កូរ៉េខាងជើង និងអាវុធប្រល័យលោក​(WMD)ផ្សេងទៀត…!។