(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា នៅក្នុងការបណ្តុះបណ្តាល មិនត្រូវទម្លាក់ស្ដង់ដាសុខាភិបាល ត្រូវដាក់វិន័យឱ្យតឹងរ៉ឹង ពីព្រោះការសង្គ្រោះជីវិតរបស់ប្រជាពលរដ្ឋ គឺមានសារៈសំខាន់ណាស់។
សម្តេចធិបតីនាយករដ្ឋមន្ត្រី បានថ្លែងបែបនេះ នៅក្នុងពិធីបើកការដ្ឋានសាងសង់ អគារមជ្ឈមណ្ឌលកណ្តាល អគារចំណត រោងជាង និង អគារវេជ្ជសាស្ត្រស៊ីក្លូត្រុង នៃមន្ទីរពេទ្យកាល់ម៉ែត នៅព្រឹកថ្ងៃទី១៦ ខែកញ្ញា ឆ្នាំ២០២៤
សម្តេចធិបតី បានអំពាវនាវឱ្យមានការចូលរួមវាយតម្លៃ ពីក្រសួងសុខាភិបាល ជាពិសេសលើការបណ្ដុះបណ្ដាលលើការផ្ដល់សេវាសុខាភិបាល ហើយការបណ្តុះបណ្តាលត្រូវការលើកកម្ពស់គុណភាពជាប្រចាំ។
សម្តេចធិបតី បានគូសបញ្ជាក់ថា យើងត្រូវពង្រឹងគុណភាពនៃការបណ្តុះបណ្តាលគ្រូពេទ្យយើង សុខចិត្តមានពេទ្យតិច ប៉ុន្តែមានគុណភាពខ្ពស់អាចជឿទុកចិត្តបាន ប្រសើរជាងមានតែបរិមាណច្រើន..!៕