ប្រធានាធិបតីបារាំង Emmanuel Macron បានពិភាក្សាអំពីស្ថានភាពក្នុងតំបន់នៅមជ្ឈិមបូព៌ាជាមួយនាយករដ្ឋមន្ត្រីអ៊ីរ៉ាក់ និងប្រធានសភាលីបង់។
នៅក្នុងការហៅទូរស័ព្ទមួយ លោក Macron និងនាយករដ្ឋមន្ត្រីអ៊ីរ៉ាក់ Mohammed Shia al-Sudani បានសម្តែងការព្រួយបារម្ភយ៉ាងខ្លាំងអំពីការកើនឡើងនៃភាពតានតឹងនៅមជ្ឈិមបូព៌ា នេះបើយោងតាមសេចក្តីថ្លែងការណ៍ពីវិមាន Elysee កាលពីថ្ងៃសៅរ៍ (ទី12 ខែតុលា ឆ្នាំ2024)។
ពួកគេបានអះអាងជាថ្មីនូវការប្តេជ្ញាចិត្តក្នុងការទប់ស្កាត់ជម្លោះក្នុងតំបន់បន្ថែមទៀត។
លោក Macron ក៏បានបង្ហាញពីសាមគ្គីភាពរបស់គាត់ជាមួយជនស៊ីវិលដែលរងផលប៉ះពាល់ដោយការវាយប្រហាររបស់អ៊ីស្រាអែល និងបានអំពាវនាវឱ្យមានបទឈប់បាញ់ភ្លាមៗនៅតំបន់ហ្គាហ្សា និងលីបង់។
មេដឹកនាំទាំងពីរក៏បានសន្យាពង្រឹងទំនាក់ទំនងទ្វេភាគីលើគ្រប់វិស័យផងដែរ។
ដោយឡែកលោក Macron បានសន្ទនាតាមទូរស័ព្ទជាមួយប្រធានសភាលីបង់ Nabih Berri។
ក្នុងនោះលោកម៉ាក្រុង បាន សម្តែង ការ ព្រួយ បារម្ភ យ៉ាង ខ្លាំង ចំពោះ ភាព តានតឹង នៃ ការ វាយ ប្រហារ របស់ អ៊ីស្រាអែល លើ ប្រទេស លីបង់ និង ឥទ្ធិពល “យ៉ាង ខ្លាំង” លើ ជន ស៊ីវិល។
លោក បាន សង្កត់ ធ្ងន់ ពី តម្រូវការ បន្ទាន់ សម្រាប់ បទ ឈប់ បាញ់ នៅ លីបង់។
លើសពីនេះ លោក Macron បានរំលឹកឡើងវិញនូវការប្តេជ្ញាចិត្តរបស់បារាំងក្នុងការរក្សាអធិបតេយ្យភាព បូរណភាពទឹកដី និងសន្តិសុខរបស់ប្រទេសលីបង់ ស្របតាមសេចក្តីសម្រេចចិត្ត ១៧០១ របស់អង្គការសហប្រជាជាតិ។
លោក បាន ជំរុញ ឲ្យ គ្រប់ គណបក្សនយោបាយ រួបរួម គ្នា « ក្នុង ពេល ដ៏ សំខាន់ នេះ » ដើម្បី ជ្រើសរើស ប្រធានាធិបតី ដែល នឹង បម្រើ ជា « អ្នកធានា ឯកភាព ជាតិ » ។
លោក ក៏ បាន រំលឹក ផងដែរ ថា សន្និសីទ អន្តរជាតិ មួយ ក្នុង ការ គាំទ្រ ប្រទេស លីបង់ នឹង ត្រូវ ធ្វើ ឡើង នៅ ទីក្រុង ប៉ារីស នៅ ថ្ងៃ ទី ២៤ ខែ តុលា។
លោក Macron បានសម្តែងការខឹងសម្បារបន្ថែមទៀតចំពោះ “ការតម្រង់គោលដៅដោយអយុត្តិធម៌” នៃកងកម្លាំងបណ្តោះអាសន្នរបស់អង្គការសហប្រជាជាតិនៅក្នុងប្រទេសលីបង់ (UNIFIL) ហើយបានបញ្ជាក់ពីការប្តេជ្ញាចិត្តដ៏រឹងមាំរបស់ប្រទេសបារាំងចំពោះបេសកកម្មនេះ។
អ៊ីស្រាអែល បានធ្វើការវាយប្រហារតាមផ្លូវអាកាសនៅទូទាំងប្រទេសលីបង់ ដោយសំដៅលើទីតាំងរបស់ក្រុមហេសបូឡា ចាប់តាំងពីថ្ងៃទី 23 ខែកញ្ញា ដោយបានសម្លាប់មនុស្សយ៉ាងហោចណាស់ 1,437 នាក់ និងរបួសជាង 4,123 នាក់ និងជម្លៀសមនុស្សជាង 1,34 លាននាក់៕