តារាសម្តែងជើងចាស់ហុងកុង លោក Benz Hui បានទទួលមរណភាពក្នុងអាយុ 76 ឆ្នាំ។ យោងតាមទូរទស្សន៍ហុងកុង TVB លោក Hui បានទទួលមរណភាពនៅព្រឹកថ្ងៃអង្គារទី 28 ខែតុលា ដោយសារតែជំងឺខ្សោយសរីរាង្គច្រើនដែលបណ្តាលមកពីជំងឺមហារីក។
ប្រភពពីសារព័ត៌មានCNA។
ព័ត៌មានលម្អិតនៃពិធីបុណ្យសពរបស់លោក Hui នឹងត្រូវប្រកាសនៅពេលក្រោយ។
បន្ទាប់ពីដំណឹងនៃការចូលសម្រាកព្យាបាលនៅមន្ទីរពេទ្យរបស់គាត់ គេបានឃើញតារាល្បីៗជាច្រើនបានទៅសួរសុខទុក្ខលោក Hui រួមទាំងតារាសម្តែង Bosco Wong និង Michael Miu ផងដែរ។
លោក Hui បានសម្តែងក្នុងខ្សែភាពយន្ត និងរឿងភាគជាង ១៥០ រឿង ក្នុងអាជីពដ៏ល្បីល្បាញអស់រយៈពេលជាង ៥០ ឆ្នាំ។ នៅឆ្នាំ ២០១៣ គាត់បានឈ្នះពានរង្វាន់ជាតារាសម្តែងរងល្អបំផុតនៅឯពិធីប្រគល់រង្វាន់ខួប TVB សម្រាប់តួនាទីរបស់គាត់នៅក្នុងរឿងកំប្លែង Bounty Lady។
គាត់ក៏ជាអ្នករស់នៅអចិន្ត្រៃយ៍នៅប្រទេសសិង្ហបុរី និងជាម្ចាស់ផ្ទះមួយនៅ Yishun ដែលត្រូវបានគេរាយការណ៍ថាមានតម្លៃ ៤ លានដុល្លារសិង្ហបុរី។
លោក Benz Hui បានបន្សល់ទុកភរិយារបស់គាត់គឺ Angeli Lung និងកូនស្រីឈ្មោះ Charmaine Hui៕