កាលពីថ្ងៃចន្ទ(ទី១០ខែមីនា) ក្រុមហាម៉ាស់និយាយថា អ៊ីស្រាអែលបានផ្អាកក្នុងការដកខ្លួនចេញពីច្រករបៀង Philadelphia នៅកណ្តាលហ្គាហ្សា ដោយបំពានលើកិច្ចព្រមព្រៀងបទឈប់បាញ់។
ប្រភពពីសារព័ត៌មានAnadolu។
នៅក្នុងសេចក្តីថ្លែងការណ៍មួយ ក្រុមនេះបានអំពាវនាវឱ្យអ្នកសម្របសម្រួលធ្វើអន្តរាគមន៍ និងជំរុញឱ្យអ៊ីស្រាអែលបំពេញការប្តេជ្ញាចិត្តរបស់ខ្លួនរួមទាំងការដកខ្លួននិងការបន្តការចរចារដំណាក់កាលទីពីរឡើងវិញ។
ក្រុមនេះបានថ្កោលទោសអ៊ីស្រាអែលចំពោះការរំលោភលើបទឈប់បាញ់ដោយការបរាជ័យក្នុងការប្រកាន់ខ្ជាប់នូវពេលវេលាដកថយសម្រាប់ Salah al-Din Axis (Philadelphi Corridor) ដោយហៅការពន្យារពេលនេះថាជាការប៉ុនប៉ងដោយចេតនាដើម្បីធ្វើឱ្យខូចដល់កិច្ចព្រមព្រៀង។
ហាម៉ាសបាននិយាយថាអ៊ីស្រាអែលមិនបានអនុវត្តតាមការដកកងកម្លាំងរបស់ខ្លួនបន្តិចម្តងៗក្នុងដំណាក់កាលទី 1 នោះទេ ហើយក៏មិនបានចាប់ផ្តើមការដកទ័ពរបស់ខ្លួនតាមការគ្រោងទុកដែរ។
ទោះជាយ៉ងណាអ៊ីស្រាអែលក៏ប្រឈមមុខនឹងសំណុំរឿងប្រល័យពូជសាសន៍នៅ តុលាការយុត្តិធម៌អន្តរជាតិសម្រាប់សង្រ្គាមនៅក្នុងតំបន់ព័ទ្ធជុំវិញ៕