ទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន (UNRWA) បាននិយាយកាលពីថ្ងៃចន្ទ(ទី២១ខែមេសា)ថាចាប់តាំងពីខែមុនមក កុមារជិត600 នាក់ត្រូវបានសម្លាប់នៅក្នុងការវាយប្រហាររបស់អ៊ីស្រាអែលនៅតំបន់ហ្គាហ្សាស្ទ្រីប។
ប្រភពពីសារព័ត៌មានAljazeera។
ដោយលើកឡើងពីតួលេខដែលចេញផ្សាយដោយទីភ្នាក់ងារកុមាររបស់អង្គការសហប្រជាជាតិ (UNICEF) UNRWA បាននិយាយថាកុមារជាង 1,600 នាក់ផ្សេងទៀតក៏បានរងរបួសផងដែរចាប់តាំងពីអ៊ីស្រាអែលបានបន្តការវាយប្រហាររបស់ខ្លួនឡើងវិញនៅថ្ងៃទី 18 ខែមីនា។
របាយការណ៍បានបន្ថែមថាវិបត្តិមនុស្សធម៌នៅតំបន់ហ្គាហ្សាស្ទ្រីប ឥឡូវនេះទំនងជាស្ថិតក្នុងចំណុចអាក្រក់បំផុតចាប់តាំងពីខែតុលា ឆ្នាំ 2023។
កងទ័ពអ៊ីស្រាអែលបានបន្តការវាយលុកដ៏សាហាវរបស់ខ្លួននៅលើតំបន់ហ្គាហ្សាស្ទ្រីបនៅថ្ងៃទី 18 ខែមីនា ហើយចាប់តាំងពីពេលនោះមកបានសម្លាប់មនុស្ស 1,864 នាក់ និងជិត 4,900 នាក់ផ្សេងទៀតបានរងរបួស បើទោះបីជាមានកិច្ចព្រមព្រៀងបទឈប់បាញ់ និងការផ្លាស់ប្តូរអ្នកទោសដែលបានធ្វើឡើងនៅក្នុងខែមករាក៏ដោយ។
ជនជាតិប៉ាឡេស្ទីនជាង 51,200 នាក់ត្រូវបានសម្លាប់នៅហ្គាហ្សានៅក្នុងការវាយលុកដ៏ឃោរឃៅរបស់អ៊ីស្រាអែលចាប់តាំងពីខែតុលា ឆ្នាំ 2023 ដែលភាគច្រើនជាស្ត្រី និងកុមារ៕