ផ្ទុះ​ភ្នំភ្លើង នៅប្រទេសអ៊ី​ស្លង់ ហូរមកឆាបឆេះផ្ទះ អ្នកស្រុកអស់៣ខ្នង!

ភ្នំភ្លើង​មួយ​បាន​ផ្ទុះ​ឡើង ក្នុង​ប្រទេស​អ៊ីស្លង់ ដោយ​កម្អែល​របស់វាហូរ ទៅ​ជាយ​ក្រុង​នេសាទ​តូច​មួយ និង​លេប​ត្របាក់​ផ្ទះ​សម្បែង។

យ៉ាងហោចណាស់ផ្ទះចំនួន 3ត្រូវបានដុតបំផ្លាញកាលពីថ្ងៃអាទិត្យ ខណៈដែលកម្អែភ្នំភ្លើងបានទៅដល់គែម នៃកំពង់ផែ Grindavik នេះបើយោងតាមរូបភាពផ្សាយផ្ទាល់តាមទូរទស្សន៍សាធារណៈ។

ការិយាល័យឧតុនិយមអ៊ីស្លង់ បាននិយាយថា ការផ្ទុះនេះបានកើតឡើងនៅមុនម៉ោង 8 ព្រឹកម៉ោងក្នុងស្រុក (8:00 GMT) បន្ទាប់ពីអាជ្ញាធរក្នុងតំបន់បានជម្លៀសប្រជាជនចំនួន 4,000 នាក់នៃទីក្រុងបន្ទាប់ពីការរញ្ជួយដីខ្នាតតូចជាបន្តបន្ទាប់។

ការិយាល័យឧតុនិយមបានបន្ថែមថា ការផ្ទុះនេះដែរបានធ្វើឲ្យមានស្នាមប្រេះប្រហែល 450 ម៉ែត្រ (500 យ៉ាត) ពី Grindavik កាលពីព្រឹកថ្ងៃអាទិត្យបានប្រែទៅជាប្រេះដែលមានប្រវែងប្រហែល 900 ម៉ែត្រ (984 យ៉ាត) គិតត្រឹមម៉ោង 6.45 ល្ងាច។

យ៉ាងណាមិញ មិន​មាន​របាយការណ៍​នៃ​ការ​ស្លាប់ ឬ​របួស​ទេ ហើយ​ជើង​ហោះហើរ​របស់​ក្រុមហ៊ុន​អាកាសចរណ៍​មិន​បាន​ប៉ះពាល់​អ្វី​ឡើយ។

វាជាលើកទីពីរហើយដែលភ្នំភ្លើង ស្ថិតនៅភាគនិរតីនៃរដ្ឋធានី Reykjavik បានផ្ទុះក្នុងរយៈពេលតិចជាងមួយខែ។

គួរជម្រាបថា អ៊ីស្លង់ដែលមានប្រជាជនប្រហែល 370,000 នាក់ និងស្ថិតនៅចម្ងាយប្រហែល 1,300 គីឡូម៉ែត្រ (807 ម៉ាយ) ភាគពាយព្យនៃចក្រភពអង់គ្លេស គឺជាជម្រកនៃភ្នំភ្លើងសកម្មជាង 30 ដែលធ្វើឱ្យកោះអ៊ឺរ៉ុបខាងជើងក្លាយជាគោលដៅសំខាន់សម្រាប់ទេសចរណ៍ភ្នំភ្លើង៕