ប្រទេសអេហ្ស៊ីប កំពុងបង្កើនវត្តមានសន្តិសុខរបស់ខ្លួន នៅតាមព្រំដែន ជាមួយតំបន់ហ្គាហ្សាស្ទ្រីប ។
ដោយប្រយ័ត្នប្រយែង ពីការផ្ទុះសង្គ្រាមរបស់អ៊ីស្រាអែល លើក្រុមហាម៉ាស នៅលើទឹកដីរបស់ខ្លួន ។
ប្រសិនបើយោធាអ៊ីស្រាអែល ចាប់ផ្តើមការវាយលុកលើដីរបស់ខ្លួន លើទីក្រុងរ៉ាហ្វា ភាគខាងត្បូង នៃតំបន់ដែលមានប្រជាជនច្រើនជាងពាក់កណ្តាល នៃប្រជាជនហ្គាហ្សា។
រថក្រោះ និងរថពាសដែកប្រមាណ ៤០ គ្រឿង ត្រូវបានដាក់ពង្រាយនៅអេហ្ស៊ីប តាមព្រំដែន Rafah ជាប់ប៉ាឡេស្ទីន ។
នេះបើយោងតាមប្រភពសន្តិសុខអេហ្ស៊ីប។
ប្រហែលមួយសប្តាហ៍មុន ប្រទេសអេហ្ស៊ីប ក៏បានចាប់ផ្តើមពង្រឹងតំបន់នេះផងដែរ នេះបើយោងតាមអ្នកផ្លាស់ទីលំនៅដែលទៅជ្រកនៅប៉ាឡេស្ទីនជិតច្រក Rafah និងប្រភពរដ្ឋបាលនៅផ្នែកខាងអេហ្ស៊ីបនៃច្រកព្រំដែន Rafah ។
បើតាមប្រភព បានពិពណ៌នាថា ជញ្ជាំងបេតុងដែលមានលួសបន្លាគឺព័ទ្ធច្រកព្រំដែន Rafah ដែលបំបែកអេហ្ស៊ីប និង Rafah ប៉ាឡេស្ទីន និងតំបន់ Karam Abu Salem ឆ្លងកាត់ភាគខាងត្បូងបន្ថែមទៀតនៅតាមព្រំដែន។
ទន្ទឹមនោះ ជញ្ជាំងឥដ្ឋ ក៏កំពុងត្រូវបានសាងសង់នៅពីក្រោយរបាំងដែកពីភាគខាងជើងច្រក Rafah ឆ្លងកាត់តាមព្រំដែនជាមួយប៉ាឡេស្ទីន រហូតដល់ឆ្នេរសមុទ្រមេឌីទែរ៉ាណេ ផងដែរ។
វិធានការថ្មីនេះ បង្កើនការផ្ដល់សន្តិសុខដែលមានស្រាប់របស់ប្រទេសអេហ្ស៊ីប នៅព្រំដែនភាគឦសានរបស់ខ្លួនជាមួយតំបន់ហ្គាហ្សាស្ទ្រីប ហើយកើតឡើងនៅពេលដែលអ៊ីស្រាអែល ពិចារណាលើការលុកលុយប៉ាឡេស្ទីននៅ Rafah ជាកន្លែងដែលប្រជាជនប្រមាណ ១.៤ លាននាក់ ដែលភាគច្រើនជាជនភៀសខ្លួន។
គួរបញ្ជាក់ថា មនុស្សរាប់ពាន់នាក់កំពុងរស់នៅក្នុងតង់នៅតាមរបងព្រំដែន ដែលជាជម្រកចុងក្រោយរបស់ពួកគេពីការលុកលុយរបស់អ៊ីស្រាអែល៕