ក្រសួងសុខាភិបាល នៅក្នុងក្រុមឡោមព័ទ្ធ បាននិយាយកាលពីថ្ងៃសៅរ៍ថា៖ ការវាយប្រហាររបស់អ៊ីស្រាអែលបានសម្លាប់ មនុស្ស 40នាក់និងរបួស224នាក់ក្នុងរយៈពេល 24 ម៉ោងចុងក្រោយនេះ។
ជាហេតុនាំឱ្យ ចំនួនអ្នកស្លាប់សរុបជាជនជាតិប៉ាឡេស្ទីន កើនដល់ 37,834 នាក់និងរបួសសរុបចំនួន86,858នាក់ ខណៈជនរងគ្រោះភាគច្រើន ជាស្ដ្រីនិងកុមារ។
សេចក្តីថ្លែងការណ៍បាននិយាយថា
មនុស្សជាច្រើន នៅតែជាប់ក្រោមគំនរបាក់បែក និងនៅលើដងផ្លូវ ខណៈដែលអ្នកជួយសង្គ្រោះមិនអាចទៅដល់ពួកគេ។
ដោយបានបដិសេធសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិដែលទាមទារបទឈប់បាញ់ជាបន្ទាន់ អ៊ីស្រាអែលបានប្រឈមមុខនឹងការថ្កោលទោសជាអន្តរជាតិ ចំពេលមានការបន្តវាយលុកយ៉ាងឃោរឃៅរបស់ខ្លួនលើតំបន់ហ្គាហ្សា ចាប់តាំងពីការវាយប្រហារកាលពីថ្ងៃទី៧ ខែតុលា ឆ្នាំ២០២៣ ដោយក្រុមហាម៉ាស់៕