(ភ្នំពេញ)៖ គ្រោះថ្នាក់ចរាចណ៍ ដោយរថយន្តទំនើបមួយគ្រឿង ម៉ាកTOYOTA HILUX RALLYបើក ក្នុងល្បឿនលឿន។លុះដល់ផ្លូវកោងបួងចង្កូតមិនទាន់ក៏ជ្រុលទៅបុកម៉ូតូរ៉ីម៉កកង់បីកង់បើកមកបញ្ច្រាសគ្នាពេញទំហឹងក៏ក្រឡាប់បណ្ដាលឲ្យអ្នកបើកបរកបររងរបួសធ្ងន់ត្រូវបានបញ្ជូនទៅមន្ទីរពេទ្យភ្លាមៗ ។ ហេតុការណ៍នេះបានកើតឡើងកាលពីវេលាម៉ោង១០យប់ ថ្ងៃទី១៩ ខែវិច្ឆិកា ឆ្នាំ២០២៤នៅ ស្ថិតនៅតាមបណ្ដោយផ្លូវបេតុងវត្តភ្នៀត សង្កាត់ពន្សាំង ខណ្ឌព្រែកព្នៅ រាជធានីភ្នំពេញកាលពីម៉ោង១០យប់ ថ្ងៃទី១៩ ខែវិច្ឆិកា ឆ្នាំ២០២៤។
បើតាមប្រភពពីកន្លែងកើតហេតុសាក្សីបានឲ្យដឹងថាមុនពេលកើតហេតុគេបានឃើញរថយន្តស៊េរីទំនើបមួយគ្រឿងម៉ាក TOYOTA HILUX RALLY ពណ៌ស ពាក់ផ្លាកលេខ ភ្នំពេញ 2BC-3596 ក្នុងទិសដៅពីជើងមកត្បូងតាមបណ្ដាយផ្លូវបេតុងវត្តភ្នៀតក្នុងល្បឿនលឿន។ លុះមកដល់ចំណុចកើតហេតុផ្លូវមានស្ថានភាពកោងអ្នកបើកបររថយន្តបួងចង្កូតមិនទាន់បានជ្រុលទៅបុកម៉ូតូរឺម៉កកង់បីពេញទំហឹងដែលបើកបរបញ្ច្រាសទិសគ្នាពីត្បូងមកជើងបណ្ដាលឲ្យម៉ូតូរ៉ឺម៉កនោះខូចខាតទាំងស្រុងចំណែកអ្នកបើកបរកង់បីរងរបួសធ្ងន់ ត្រូវបញ្ជូនទៅកាន់មន្ទីរពេទ្យភ្លាមៗ ។
ក្រោយពេលកើតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វើការវាស់វែងយករថយន្ត និងម៉ូតូរុឺម៉កកង់បី ទៅរក្សាទុករង់ចាំការដោះស្រាយនៅពេលក្រោយ ៕