ជនស៊ីវិល8នាក់ត្រូវបានសម្លាប់និង63 នាក់ផ្សេងទៀតបានរងរបួសនៅក្នុងការវាយប្រហារតាមអាកាសដោយរបបលោក Assad និងយន្តហោះរុស្ស៊ីនៅលើកណ្តាលទីក្រុង Idlib ភាគពាយព្យនៃប្រទេសស៊ីរី។
ប្រភពពីសារព័ត៌មានAnadolu។
យោងតាមព័ត៌មានដែលទទួលបានពីប្រភពក្នុងស្រុក របបលោក Assad និងយន្តហោះរុស្ស៊ីបានបើកការវាយប្រហារតាមអាកាសយ៉ាងហោចណាស់ចំនួន 9 លើកលើកណ្តាលទីក្រុង Idlib ចាប់តាំងពីព្រឹកថ្ងៃអាទិត្យ។
ក្នុងការវាយប្រហារទាំងនេះរហូតមកដល់ ពេលនេះជនស៊ីវិល៨នាក់ត្រូវបានសម្លាប់និង ៦៣នាក់ផ្សេងទៀតក្នុងនោះមានកុមារ៣០ នាក់និងស្ត្រី៨នាក់បានរងរបួស។
ការ វាយប្រហារតាមអាកាសបានកំណត់ គោលដៅជាចម្បងលើផ្សារនិងការតាំង ទីលំនៅជនស៊ីវិលក្នុងទីក្រុង។
ការប្រយុទ្ធគ្នាបានផ្ទុះឡើងកាលពីថ្ងៃទី 27 ខែវិច្ឆិកា រវាងកងកម្លាំងរបបលោក Assad និងក្រុមប្រដាប់អាវុធប្រឆាំងរបបនៅជនបទភាគខាងលិចនៃខេត្ត Aleppo ភាគខាងជើងប្រទេសស៊ីរី។
ចាប់តាំងពីសប្តាហ៍មុន ក្រុមប្រដាប់អាវុធប្រឆាំងរបប បានធ្វើវឌ្ឍនភាពយ៉ាងឆាប់រហ័សពីជនបទភាគខាងលិចឆ្ពោះទៅកាន់កណ្តាលទីក្រុង ដោយចាប់យកភាគច្រើននៅថ្ងៃសៅរ៍។
ក្រុមប្រដាប់អាវុធបានកាន់កាប់ទីប្រជុំជន Khan Shaykhun ក្រោយមកកាលពីថ្ងៃសៅរ៍ដោយបង្កើតការគ្រប់គ្រងលើ Idlib ទាំងអស់៕