ប្រធានាធិបតីអ៊ុយក្រែន លោក Volodymyr Zelenskyy បានអះអាងកាលពីថ្ងៃសុក្រ(ទី១៤ខែកុម្ភៈ)ថា ដ្រូនរបស់រុស្ស៊ីមួយគ្រឿង បានវាយប្រហារដោយបំផ្លាញនៅឯរោងចក្រថាមពលនុយក្លេអ៊ែរ Chornobyl បណ្តាលឱ្យមានការខូចខាតយ៉ាងធ្ងន់ធ្ងរ។
ប្រភពពីសារព័ត៌មានAnadolu។
លោក Zelenskyy បាននិយាយនៅក្នុងការបង្ហោះនៅលើ X.ថា “ទីជម្រកនៅ Chornobyl NPP ត្រូវបានខូចខាតដោយយន្តហោះគ្មានមនុស្សបើកនេះ។ ភ្លើង ត្រូវ បាន ពន្លត់ រហូតមកដល់ពេលនេះ កម្រិតវិទ្យុសកម្មមិនបានកើនឡើងទេហើយកំពុងត្រូវបានត្រួតពិនិត្យជានិច្ច។”
លោកបានពណ៌នាការវាយប្រហារនេះថា ជាការគំរាមកំហែងដល់សន្តិសុខពិភពលោកដោយលោកបានសង្កត់ធ្ងន់ថា កន្លែងនោះត្រូវបានសាងសង់ឡើងដោយ មានកិច្ចសហប្រតិបត្តិការអន្តរជាតិ។
លោកបាននិយាយថា “ជំរកនេះត្រូវបានសាងសង់ឡើងដោយអ៊ុយក្រែន រួមជាមួយនឹងបណ្តាប្រទេសផ្សេងទៀតនៃទ្វីបអឺរ៉ុប និងពិភពលោក រួមជាមួយនឹងសហរដ្ឋអាមេរិក — ទាំងអស់ដែលបានប្តេជ្ញាចិត្តចំពោះសន្តិសុខពិតប្រាកដសម្រាប់មនុស្សជាតិ” ។
លោក Zelenskyy បានជំរុញឱ្យសហគមន៍អន្តរជាតិបង្កើនសម្ពាធលើទីក្រុងម៉ូស្គូ។ “ត្រូវតែមានសម្ពាធបង្រួបបង្រួមពីអស់អ្នកដែលឲ្យតម្លៃជីវិត ពោលគឺសម្ពាធលើអ្នកឈ្លានពាន។រុស្ស៊ីត្រូវតែទទួលខុសត្រូវចំពោះសកម្មភាពរបស់ខ្លួន”។
ទោះជាយ៉ាងណាទីក្រុងមូស្គូមិនបានធ្វើអត្ថាធិប្បាយលើការចោទប្រកាន់នេះទេ។រុស្ស៊ី ធ្លាប់បានបដិសេធចំពោះការកំណត់គោលដៅលើហេដ្ឋារចនាសម្ព័ន្ធស៊ីវិលនិងនុយក្លេអ៊ែរនៅ អ៊ុយក្រែន៕