យោងតាមក្រុមកិច្ចការអ្នកទោសបាននិយាយកាលពីថ្ងៃចន្ទ(ទី១៧ខែកុម្ភៈ)ថា កងទ័ពអ៊ីស្រាអែលបានចាប់ខ្លួនជនជាតិប៉ាឡេស្ទីនយ៉ាងហោចណាស់ 25 នាក់បន្ថែមទៀតនៅក្នុងការវាយឆ្មក់នៅតំបន់ West Bank។
ប្រភពពីសារព័ត៌មានAnadolu។
គណៈកម្មការកិច្ចការអ្នកជាប់ឃុំ និងសង្គមអ្នកទោសប៉ាឡេស្ទីនបាននិយាយនៅក្នុងសេចក្តីថ្លែងការណ៍រួមមួយថា អនីតិជន និងអតីតអ្នកទោស ស្ថិតក្នុងចំណោមអ្នកជាប់ឃុំនៅក្នុងការវាយឆ្មក់ដែលកំណត់គោលដៅលើតំបន់ជាច្រើនក្នុងទីក្រុង Hebron និង Ramallah។
ការចាប់ខ្លួននេះបានកើតឡើងចំពេលដែលការវាយឆ្មក់ដោយយោធារបស់កងទ័ពអ៊ីស្រាអែល ដែលបានសម្លាប់មនុស្សយ៉ាងហោចណាស់ 55 នាក់ និងរាប់ពាន់នាក់បានផ្លាស់ទីលំនៅនៅភាគខាងជើងតំបន់ West Bank ចាប់តាំងពីថ្ងៃទី 21 ខែមករា។
យោងតាមសេចក្តីថ្លែងការណ៍ យ៉ាងហោចណាស់មានជនជាតិប៉ាឡេស្ទីនចំនួន 160 នាក់ត្រូវបានចាប់ខ្លួនដោយកងកម្លាំងអ៊ីស្រាអែលនៅ Jenin និង 130 នាក់ទៀតនៅ Tulkarem ភាគខាងជើង West Bank ចាប់តាំងពីខែមុន។
ការចាប់ខ្លួនថ្មីនេះបាននាំឱ្យចំនួនជនជាតិប៉ាឡេស្ទីនដែលត្រូវបានចាប់ខ្លួនដោយកងទ័ពអ៊ីស្រាអែលនៅតំបន់ West Bank ចាប់តាំងពីខែតុលា ឆ្នាំ 2023 ដល់ជាង 14,500 នាក់ រួមទាំងអ្នកដែលត្រូវបានដោះលែងបន្ទាប់ពីត្រូវបានចាប់ខ្លួន នេះបើយោងតាមតួលេខប៉ាឡេស្ទីន។
យ៉ាងណាមិញតួលេខនេះមិនរាប់បញ្ចូលអ្នកដែលត្រូវបានចាប់ខ្លួនពីតំបន់Gaza Strip ដែល ចំនួនត្រូវបានគេប៉ាន់ប្រមាណថាមានរាប់ពាន់នាក់នោះទេ។
ក្នុងរយៈពេលប៉ុន្មានឆ្នាំកន្លងមកនេះ យោធាអ៊ីស្រាអែលបានធ្វើការវាយឆ្មក់ជាទៀងទាត់នៅតំបន់ West Bank ដែលបានកើនឡើងជាមួយនឹងការចាប់ផ្តើមនៃសង្រ្គាមនៅហ្គាហ្សានៅថ្ងៃទី 7 ខែតុលា ឆ្នាំ 2023។ ប៉ាឡេស្ទីនក៏ត្រូវបានវាយប្រហារដោយហិង្សាដោយអ្នកតាំងលំនៅអ៊ីស្រាអែលខុសច្បាប់ផងដែរ។
យ៉ាងហោចណាស់ ជនជាតិប៉ាឡេស្ទីន 916 នាក់ត្រូវបានសម្លាប់ និងជាង 7,000 នាក់ផ្សេងទៀតបានរងរបួសដោយការបាញ់របស់កងទ័ពអ៊ីស្រាអែលនៅក្នុងទឹកដីដែលកាន់កាប់ នេះបើយោងតាមក្រសួងសុខាភិបាល។
នៅខែកក្កដា ឆ្នាំ 2024 តុលាការយុត្តិធម៌អន្តរជាតិបានប្រកាសថា ការកាន់កាប់ដីប៉ាឡេស្ទីនអស់រយៈពេលជាច្រើនទសវត្សរ៍របស់អ៊ីស្រាអែលដោយខុសច្បាប់ និងទាមទារឱ្យមានការជម្លៀសការតាំងទីលំនៅដែលមានស្រាប់ទាំងអស់នៅតំបន់ West Bank និង East Jerusalem៕