កាលពីថ្ងៃព្រហស្បតិ៍(ទី២៧ខែមីនា)ក្រុមHouthiយេម៉ែន បានរាយការណ៍ពីការស្លាប់មនុស្សពីរនាក់នៅក្នុងការវាយប្រហារតាមអាកាសរបស់អាមេរិកទៅលើរដ្ឋធានី Sanaa ប្រទេសយេម៉ែន។
ប្រភពពីសារព័ត៌មានAANews។
ទូរទស្សន៍ Al-Masirah ដែលគ្រប់គ្រងដោយ Houthi បាននិយាយថា “ការឈ្លានពានរបស់អាមេរិកជាមួយនឹងការវាយឆ្មក់ចំនួនបួនបានកំណត់គោលដៅលើទីតាំងកាត់ថ្មមួយកន្លែងនៅក្នុងតំបន់ Arqoub នៃស្រុក Khawlan ក្នុងខេត្ត Sanaa” ។
ទូរទស្សន៍ដដែលបានបន្ថែមថា ការវាយឆ្មក់របស់អាមេរិកបានសម្លាប់មនុស្ស2 នាក់ និងពីរនាក់ទៀតរងរបួស។
ជាមួយគ្នានោះកាលពីល្ងាចថ្ងៃពុធក្រុម ឧទ្ទាមបានរាយការណ៍ពីការវាយប្រហារ តាម អាកាសចំនួន១៥លើក្រុងសាណា។
គួររំលឹកដែរថា កាលពីថ្ងៃទី 15 ខែមីនា ប្រធានាធិបតីអាមេរិក លោក Donald Trump បាននិយាយថា លោកបានបញ្ជាឱ្យមានការវាយលុកដ៏ធំប្រឆាំងនឹងក្រុម Houthis ហើយក្រោយមកបានគំរាមបណ្តេញពួកគេចេញទាំងស្រុង។
គួរជម្រាបថា ក្រុមនេះបានបញ្ឈប់ការវាយប្រហាររបស់ខ្លួននៅពេលដែលបទឈប់បាញ់ត្រូវបានប្រកាសនៅក្នុងខែមករារវាងអ៊ីស្រាអែល និងក្រុមប៉ាឡេស្ទីន Hamas ប៉ុន្តែវាបានគម្រាមថានឹងចាប់ផ្តើមការវាយប្រហារឡើងវិញនៅពេលដែលអ៊ីស្រាអែលបានរារាំងជំនួយមនុស្សធម៌ទាំងអស់ចូលទៅក្នុងហ្គាហ្សានៅថ្ងៃទី 2 ខែមីនា៕