កិច្ចខិតខំប្រឹងប្រែងស្វែងរក និងជួយសង្គ្រោះនៅតែបន្តធ្វើឡើងបន្ទាប់ពីការរញ្ជួយដីដ៏ខ្លាំងក្លាបានបំផ្លិចបំផ្លាញកណ្តាលប្រទេសមីយ៉ាន់ម៉ា បណ្តាលឲ្យមនុស្សរាប់ពាន់នាក់ស្លាប់និងរងរបួស។
ប្រភពពីសារព័ត៌មានAljazeera។
សារព័ត៌មានស៊ីនហួរបានរាយការណ៍ថា ចំនួនអ្នកស្លាប់បានកើនឡើងដល់ 3,145 នាក់ ដោយមានអ្នករងរបួសចំនួន 4,589 នាក់ និង 221 នាក់នៅមិនទាន់រាប់បញ្ចូលនៅឡើយ។
ប្រទេសនេះបានកត់ត្រាការរញ្ជួយដីចំនួន 66ចាប់តាំងពីការរញ្ជួយដំបូងដោយមានរ៉ិចទ័រចន្លោះពី 2.8 ទៅ 7.5 ។
ទីក្រុង Mandalay នៅតែជាតំបន់ដែលរងគ្រោះខ្លាំងជាងគេ ដោយមានអ្នកស្លាប់ចំនួន 2,053 នាក់និងរបួស 2,691 នាក់។រដ្ឋធានី Nay Pyi Taw បានរាយការណ៍ថាមនុស្សស្លាប់ចំនួន ៥១១នាក់ និងរបួសចំនួន ៨៤២នាក់។
ការរញ្ជួយដីកម្រិត 7.7 និង 6.4 រិចទ័របានវាយប្រហារកាលពីថ្ងៃសុក្រសប្តាហ៍មុន ដែលប៉ះពាល់ដល់តំបន់កណ្តាលរបស់ប្រទេសមីយ៉ាន់ម៉ាដែលមានប្រជាជនចំនួន 28 លាននាក់។ រញ្ជួយដីបានធ្វើឲ្យអគារបាក់បែក និងធ្វើឲ្យសហគមន៍គ្មានអាហារទឹក ឬ ជម្រក។
ប្រធានអង្គការសហប្រជាជាតិ លោក Antonio Guterres បានប្រកាសពីផែនការបញ្ជូនអ្នកសម្របសម្រួលផ្នែកជំនួយមនុស្សធម៌ និងសង្គ្រោះបន្ទាន់ និងបេសកជនពិសេសប្រចាំប្រទេសមីយ៉ាន់ម៉ា ដោយជំរុញឱ្យមានការដោះស្រាយនយោបាយចំពោះជម្លោះផ្ទៃក្នុងដែលកំពុងបន្ត៕