ប៉ាឡេស្ទីនបានក្លាយជារដ្ឋគ្រោះថ្នាក់បំផុតលើពិភពលោកសម្រាប់អ្នកកាសែត ចំពេលមានសង្រ្គាមរបស់អ៊ីស្រាអែលលើតំបន់ហ្គាហ្សា ដោយមានកាសែតរាប់សិបនាក់ អាចត្រូវបានសម្លាប់ដោយសារតែការងាររបស់ពួកគេ។
កងកម្លាំងអ៊ីស្រាអែលបានសម្លាប់អ្នកកាសែតជិត 200 នាក់ក្នុងរយៈពេល 18 ខែដំបូងនៃសង្រ្គាម ដែលយ៉ាងហោចណាស់ 42 នាក់ត្រូវបានសម្លាប់ពេលកំពុងបំពេញការងាររបស់ពួកគេ នេះបើតាមអង្គការអ្នកកាសែតគ្មានព្រំដែនបាននិយាយកាលពីថ្ងៃសុក្រ ខណៈដែលខ្លួនបានចេញផ្សាយសន្ទស្សន៍សេរីភាពសារព័ត៌មានពិភពលោកឆ្នាំ 2025 របស់ខ្លួន។
ក្រុមដែលមានមូលដ្ឋាននៅទីក្រុងប៉ារីស ដែលត្រូវបានគេស្គាល់ផងដែរដោយអក្សរកាត់បារាំង RSF បាននិយាយថា ដោយជាប់នៅក្នុងឡោមព័ទ្ធ អ្នកកាសែតនៅហ្គាហ្សាមិនមានទីជម្រក និងខ្វះអ្វីទាំងអស់ រួមទាំងអាហារ និងទឹកផងដែរ។
នៅតំបន់ West Bank អ្នកកាសែតត្រូវបានយាយី និងវាយប្រហារជាប្រចាំដោយទាំងអ្នកតាំងលំនៅ និងកងកម្លាំងអ៊ីស្រាអែល ប៉ុន្តែការគាបសង្កត់បានឈានដល់កម្រិតថ្មីជាមួយនឹងរលកនៃការចាប់ខ្លួនបន្ទាប់ពីថ្ងៃទី 7 ខែតុលា នៅពេលដែលនិទណ្ឌភាពចំពោះឧក្រិដ្ឋកម្មដែលបានប្រព្រឹត្តលើអ្នកកាសែតបានក្លាយជាច្បាប់ថ្មីមួយ។
ទន្ទឹមនឹងនោះ RSF ក៏បាននិយាយនៅក្នុងរបាយការណ៍របស់ខ្លួនដែរថា អ្នកកាសែតដែលត្រូវបានគេសង្ស័យថាបានសហការជាមួយអ៊ីស្រាអែលក៏ត្រូវបានរារាំងនៅក្នុងការងាររបស់ពួកគេដោយក្រុមហាម៉ាស់ និងក្រុមជីហាតអ៊ីស្លាម ខណៈដែលច្បាប់ឧក្រិដ្ឋកម្មតាមអ៊ីនធឺណិតដែលត្រូវបានអនុម័តដោយអាជ្ញាធរប៉ាឡេស្ទីនកំណត់សេរីភាពនៃការបញ្ចេញមតិ និងសេរីភាពសារព័ត៌មាន។
គួរបញ្ជាក់ថា អេរីទ្រា គឺជាដែនសមត្ថកិច្ចដែលមានចំណាត់ថ្នាក់ទាបបំផុតនៅពីក្រោយប្រទេសកូរ៉េខាងជើង និងប្រទេសចិន។ ប្រទេសន័រវេសជាប់ចំណាត់ថ្នាក់លេខមួយសម្រាប់សេរីភាពសារព័ត៌មានបន្ទាប់មកគឺអេស្តូនី ហូឡង់និងស៊ុយអែត៕