ក្រុមអ្នកពន្លត់អគ្គិភ័យ នៃប្រទេសក្រិក រាប់សិបនាក់បាន កាលពីថ្ងៃចន្ទ កំពុងតស៊ូ.ដើម្បីគ្រប់គ្រងភ្លើងឆេះព្រៃមួយកន្លែង ដែលបានឆាបឆេះយ៉ាងសន្ធោសន្ធៅ ឆ្លងកាត់ព្រៃក្រាស់មួយនៅជិតភូមិមួយ ភាគឦសាន នៃរដ្ឋធានីអាថែន បង្ខំឲ្យអាជ្ញាធរចេញបញ្ជាឲ្យមានការជម្លៀសប្រជាជន។
ប្រភពពីសារព័ត៌មាន Reuters ។
យន្តហោះពន្លត់អគ្គិភ័យចំនួន ១៧គ្រឿង និងរថយន្តពន្លត់អគ្គិភ័យចំនួន៣០គ្រឿង ក្រុមអ្នកពន្លត់អគ្គិភ័យចំនួន ១២០នាក់ ត្រូវបានដាក់ពង្រាយទៅកាន់ភូមិ Ano Souli ដែលមានចម្ងាយប្រហែល ៤០គីឡូម៉ែត្រពីទីក្រុងអាថែន។
ប្រជាពលរដ្ឋនៅក្នុងភូមិនេះ និងទីប្រជុំជន Marathonas ដែលនៅក្បែរនោះ ត្រូវបានបញ្ជាឲ្យចាកចេញពីផ្ទះសម្បែងរបស់ពួកគេ។
ប្រទេសក្រិក ដែលស្ថិតនៅចុងខាងត្បូងបំផុត និងក្តៅបំផុតនៃទ្វីបអឺរ៉ុប បានទទួលរងផលប៉ះពាល់ផ្នែកសេដ្ឋកិច្ច និងបរិស្ថានពីគ្រោះភ្លើងឆេះព្រៃ និងទឹកជំនន់ញឹកញាប់ក្នុងប៉ុន្មានឆ្នាំចុងក្រោយនេះ ។
ដែលអ្នកវិទ្យាសាស្ត្រនិយាយថា ត្រូវបានធ្វើឲ្យកាន់តែធ្ងន់ធ្ងរឡើងដោយសារការប្រែប្រួលអាកាសធាតុយ៉ាងឆាប់រហ័ស។
ប្រទេសនេះ បានចំណាយថវិការាប់រយលានអឺរ៉ូដើម្បីទូទាត់សំណងដល់គ្រួសារ និងកសិករចំពោះការខូចខាតដែលពាក់ព័ន្ធនឹងអាកាសធាតុធ្ងន់ធ្ងរ និងដើម្បីទទួលបានឧបករណ៍ពន្លត់អគ្គិភ័យថ្មីៗ និងទំនើបៗ ដើម្បីដោះស្រាយបញ្ហាភ្លើងឆេះព្រៃ ដែលកាន់តែពិបាកក្នុងការគ្រប់គ្រង ท่ามกลางសីតុណ្ហភាពរដូវក្តៅដែលកំពុងកើនឡើង៕