មជ្ឈមណ្ឌលគ្រប់គ្រងព្រំដែនថៃ បង្ហាញថា នៅព្រំដែនថៃ-ខ្មែរ មានសន្តិភាព និងតំបន់ជាច្រើនមានសុវត្ថិភាព ដែលអនុញ្ញាតឱ្យពលរដ្ឋត្រឡប់ទៅផ្ទះវិញជាបណ្តើរៗ ក្នុងនោះទីភ្នាក់ងារកំពុងបោសសម្អាតមីន ដើម្បីធានាសុវត្ថិភាពអតិបរមា។
ប្រភពពីkhaosod។
នៅវេលាម៉ោង ៧:០០នាទី ថ្ងៃទី១១ ខែសីហា លោក ជីរ៉ាយុ ហួងសាប សមាជិកគណៈកម្មាធិការ គណបក្សសភាពការណ៍ព្រំដែនថៃ-កម្ពុជា បានបញ្ជាក់ថា ចាប់ពីល្ងាចថ្ងៃទី១០ ខែសីហា រហូតដល់ព្រឹកនេះ (ថ្ងៃទី១១ ខែសីហា) ពុំមានការប៉ះទង្គិចគ្នា ឬហិង្សាឡើយ នៅតាមបណ្តាខេត្តទាំង៧ នៅតាមបណ្តាព្រំដែនថៃ-កម្ពុជា។
មជ្ឈមណ្ឌល ប្រតិបត្តិការបញ្ជាការដ្ឋាន កងទ័ពជើងគោកទី២ថៃ បាន រាយការណ៍ថា ស្ថានភាព នៅព្រំដែន ថៃ-កម្ពុជា កំពុងមាន ភាពប្រសើរឡើង ជាបន្តបន្ទាប់ ក្រោយកិច្ចប្រជុំ គណៈកម្មាធិការ ព្រំដែន ទូទៅ ថៃ-កម្ពុជា (GBC)។
តំបន់ជាច្រើនមានសុវត្ថិភាព ហើយប្រជាពលរដ្ឋកំពុងវិលត្រឡប់ទៅផ្ទះវិញ ក្រោមការយកចិត្តទុកដាក់ពីអភិបាលខេត្ត និងភ្នាក់ងារសន្តិសុខ។
ទោះជាយ៉ាងណា តំបន់ខ្លះនៅតែមានវត្ថុមិនទាន់ផ្ទុះ ឬគួរឱ្យសង្ស័យ ដែលកំពុងត្រួតពិនិត្យ និងបោសសម្អាត ដើម្បីសុវត្ថិភាពអតិបរមា៕