កាលពីថ្ងៃព្រហស្បតិ៍ទី២៨ខែសីហា អង្គការសហប្រជាជាតិបាននិយាយថាស្ទើរតែពាក់កណ្តាលនៃបេសកកម្មជំនួយមនុស្សធម៌នៅក្នុងតំបន់ហ្គាហ្សាស្ទ្រីបត្រូវបានរារាំងដោយអ៊ីស្រាអែលក្នុងសប្តាហ៍ចុងក្រោយនេះ។
ប្រភពពីសារព័ត៌មានAljazeera។
ដោយលើកឡើងពីការិយាល័យសម្របសម្រួលកិច្ចការមនុស្សធម៌ (OCHA) អ្នកនាំពាក្យ Stephane Dujarric បាននិយាយថាការពន្យារពេល និងឧបសគ្គនៃចលនាមនុស្សធម៌នៅក្នុងតំបន់ហ្គាហ្សានៅតែបន្ត។
លោក បានបន្ថែមថាក្រុមជំនួយត្រូវបានទុកឱ្យរង់ចាំនៅលើផ្លូវដែលជាញឹកញាប់មានគ្រោះថ្នាក់ការកកស្ទះឬមិនអាចឆ្លងកាត់បាន ។
ស្តីពីស្ថានភាពមនុស្សធម៌ លោក Dujarric បាននិយាយថា សហសេវិករបស់អង្គការសហប្រជាជាតិ “មានការព្រួយបារម្ភយ៉ាងខ្លាំងអំពីហានិភ័យនៃការវាយលុករបស់អ៊ីស្រាអែល លើផ្នែកបន្ថែមនៃទីក្រុង Gazaដោយសង្កត់ធ្ងន់ថាផលប៉ះពាល់នៃការវាយលុកពេញទំហឹងនឹងហួសពីគ្រោះមហន្តរាយ មិនត្រឹមតែសម្រាប់អ្នកនៅក្នុងទីក្រុងប៉ុណ្ណោះទេ ប៉ុន្តែសម្រាប់តំបន់ Gaza Strip ទាំងមូល៕