នៅថ្ងៃសុក្រទី២៩ សីហា ប្រជាជនឥណ្ឌូនេស៊ីរាប់រយនាក់បានតវ៉ានៅទូទាំងទីក្រុងហ្សាកាតាជុំវិញការស្លាប់របស់ជនស៊ីវិលម្នាក់ដោយរថយន្តប៉ូលីស ដែលបង្កឱ្យមានការអំពាវនាវឱ្យមានកំណែទម្រង់ប៉ូលីស។
ជនស៊ីវិលដែលជាអ្នកបើកបរម៉ូតូត្រូវបានបុកនៅកន្លែងនៃការប៉ះទង្គិចគ្នាដោយហិង្សាកាលពីថ្ងៃព្រហស្បតិ៍នៅជិតសភា ខណៈដែលប៉ូលិសបានស្វែងរកការបំបែកបាតុករដែលតវ៉ាអំពីបញ្ហាមួយចំនួន រួមទាំងប្រាក់ឈ្នួលរបស់សមាជិកសភា និងមូលនិធិអប់រំ។
ការតវ៉ាកាលពីរសៀលថ្ងៃសុក្រនៅក្នុងរដ្ឋធានីនៃសេដ្ឋកិច្ចដ៏ធំបំផុតរបស់អាស៊ីអាគ្នេយ៍បានជំរុញឱ្យសាលារៀនមួយចំនួនអនុញ្ញាតឱ្យសិស្សចាកចេញមុនកាលកំណត់ ហើយធនាគារ និងអាជីវកម្មនានាសុំឱ្យបុគ្គលិកធ្វើការពីផ្ទះ។យោធាត្រូវបានគេដាក់ពង្រាយនៅក្នុងតំបន់មួយចំនួន៕