នៅថ្ងៃសៅរ៍ទី៣០ ខែសីហា អ៊ីស្រាអែល បានប្រកាសផ្អាកការទម្លាក់គ្រាប់បែក មុនពេលនឹងចាប់ផ្តើមប្រតិបត្តិការវាយលុកដ៏ធំលើទីក្រុង Gaza ស្របពេលដែលអង្គការកាកបាទក្រហមអន្តរជាតិ (ICRC) ព្រមានថាផែនការជម្លៀសប្រជាជនរបស់អ៊ីស្រាអែលគឺមិនអាចទៅរួចទេ។
ប្រភពពីសារព័ត៌មានCNN។
មួយថ្ងៃមុន ការវាយប្រហារតាមអាកាសរបស់អ៊ីស្រាអែលបានសម្លាប់ជនជាតិប៉ាឡេស្ទីនយ៉ាងហោចណាស់ 11 នាក់ ក្នុងនោះមានកុមារ 6 នាក់ នៅលើផ្លូវ Al-Nasr ខាងលិចទីក្រុង Gaza។ មនុស្ស 25 នាក់ផ្សេងទៀតរងរបួស ដោយមានការរំពឹងថាចំនួនអ្នកស្លាប់នឹងកើនឡើង បើតាមការប្រាប់របស់លោក Mohammed Abu Salmiya នាយកមន្ទីរពេទ្យ Al-Shifa។
វីដេអូដែល CNN ទទួលបាន បង្ហាញសាកសពកុមារត្រូវបានរុំក្នុងភួយ ផ្តល់ភាពទុក្ខសោកជ្រាលជ្រៅដល់គ្រួសារដែលបាត់បង់កូនៗ។
កាលពីថ្ងៃសុក្រ កងទ័ពអ៊ីស្រាអែលបានប្រកាសទីក្រុង Gaza ជាតំបន់ប្រយុទ្ធដ៏គ្រោះថ្នាក់មុនការវាយលុកដែលនាយករដ្ឋមន្ត្រីអ៊ីស្រាអែល Benjamin Netanyahu អះអាងថាជាវិធានដើម្បីកម្ទេចបន្ទាយចុងក្រោយរបស់ក្រុមហាម៉ាស់។
ដ្រូនរបស់អ៊ីស្រាអែលបានចែកខិត្តប័ណ្ណ ជំរុញឱ្យប្រជាជន Gaza ធ្វើដំណើរជម្លៀសទៅភាគខាងត្បូង Wadi Gaza ប៉ុន្តែ ICRC បានបដិសេធវិធាននេះ។ ប្រធាន ICRC លោក Mirjana Spoljaric ថ្លែងថាវាមិនអាចទៅរួចទេក្នុងការជម្លៀសប្រជាជនជាទ្រង់ទ្រាយធំក្រោមលក្ខខណ្ឌបច្ចុប្បន្ន។ ស្ត្រ។”
អាជ្ញាធរប៉ាឡេស្ទីនរាយការណ៍ថា ប្រជាជនជាងមួយលាននាក់ ត្រូវបានផ្លាស់ទីចេញពីផ្ទះរបស់ពួកគេ ទៅកាន់តំបន់កណ្តាល និងភាគខាងលិច Gaza ខណៈពេលដែលស្ថានភាពសង្គ្រាមកាន់តែធ្ងន់ធ្ងរ៕