ប្រភពវេជ្ជសាស្ត្របាននិយាយថា យ៉ាងហោចណាស់ជនជាតិប៉ាឡេស្ទីន86នាក់បានស្លាប់ ក្នុងនោះមានអ្នកកាសែតម្នាក់និងជាច្រើននាក់ផ្សេងទៀតបានរងរបួសចាប់តាំងពីព្រឹកព្រលឹមថ្ងៃសៅរ៍ទី២៧ខែកញ្ញា នៅក្នុងការវាយប្រហារដោយឥតឈប់ឈររបស់អ៊ីស្រាអែលនៅទូទាំងតំបន់ហ្គាហ្សាស្ទ្រីប។
ប្រភពពីសារព័ត៌មានAnadolu Agency។
ចាប់តាំងពីការចាប់ផ្តើមនៃអំពើប្រល័យពូជសាសន៍ ប្រជាជនប៉ាឡេស្ទីនជិតពីរលាននាក់ត្រូវបានផ្លាស់ទីលំនៅដោយបង្ខំ ខណៈដែលកងទ័ពអ៊ីស្រាអែលបានកំណត់គោលដៅដោយផ្ទាល់នៅជុំវិញមជ្ឈមណ្ឌលជម្រកចំនួន 293 ។
កងទ័ពអ៊ីស្រាអែលបានសម្លាប់ជនជាតិប៉ាឡេស្ទីនជិត 66,000 នាក់ ដែលភាគច្រើនជាស្ត្រី និងកុមារនៅក្នុងហ្គាហ្សាចាប់តាំងពីខែតុលា ឆ្នាំ 2023។ ការវាយលុកតាមអាកាស និងដីជាច្រើនខែបានធ្វើឱ្យតំបន់ហ្គាហ្សាស្ទើរតែគ្មានមនុស្សរស់នៅ ដោយជំរុញឱ្យប្រជាជនរបស់ខ្លួនធ្លាក់ក្នុងភាពអត់ឃ្លាន៕