Category: ពត៌មានអន្តរជាតិ

ផ្ទាំងទឹកកករបស់ហ្គ្រីនលែនគឺប្រេះកាន់តែលឿន ចំពេលមានការប្រែប្រួលអាកាសធាតុ នេះបើយោងតាមការសិក្សាថ្មីមួយដែលបានចេញផ្សាយកាលពីថ្ងៃចន្ទ(ទី៣ខែកុម្ភៈ)។

អ៊ុយក្រែន បានវាយប្រហារទីតាំងថាមពលនៅភាគខាងត្បូង នៃប្រទេសរុស្ស៊ីដោយ ប្រើប្រាស់ដ្រូនរាប់សិបគ្រឿង កាលពីយប់ថ្ងៃចន្ទ(ទី៣ខែកុម្ភៈ) បណ្តាលឱ្យមានអគ្គិភ័យនៅរោងចក្រចម្រាញ់ប្រេង និងរោងចក្រកែច្នៃឧស្ម័នដ៏សំខាន់មួយ។

ប្រធានាធិបតីអាមេរិក លោក ដូណាល់ ត្រាំ នឹងបើកកិច្ចពិភាក្សាមួយតាមទូរស័ព្ទជាមួយលោកប្រធានាធិបតីចិន ស៊ី ជីនពីង ក្នុងពេលឆាប់ៗនេះ ខណៈសហរដ្ឋអាមេរិក និងចិនកំពុងព្យាយាមស្វែងរកកិច្ចព្រមព្រៀងដែលអាចនឹងជួយបញ្ចៀសសង្រ្គាមពាណិជ្ជកម្មទ្រង់ទ្រាយធំ។

កាលពីថ្ងៃចន្ទ(ទី៣ ខែកុម្ភៈ) ប្រធានាធិបតីអាមេរិក លោក ដូណាល់ ត្រាំ បាននិយាយថា លោកចង់ចរចាជាមួយអ៊ុយក្រែន លើកិច្ចព្រមព្រៀងមួយដែលតម្រូវ ឱ្យទីក្រុងកៀវ ធានាឱ្យបាននូវការផ្គត់ផ្គង់ធនធានរ៉ែដ៏កម្រ ដែលមានសមាសធាតុដ៏សំខាន់ នៅក្នុងឧបករណ៍អេឡិកត្រូនិក ដើម្បីដូរយកជំនួយពីសហរដ្ឋអាមេរិក។

នៅថ្ងៃអង្គារ(ទី៤ ខែកុម្ភៈ) ទីភ្នាក់ងារសម្ងាត់កូរ៉េខាងត្បូងនិយាយថាទាហានកូរ៉េខាងជើងដែលបានដាក់ពង្រាយកម្លាំងជួយដល់កងទ័ពរុស្ស៊ីនៅឯសមរភូមិក្នុងតំបន់ Kursk បានបាត់មុខចេញពីសមរភូមិប្រយុទ្ធចាប់តាំងពីពាក់កណ្ដាល ខែមករា បន្ទាប់ពីអ៊ុយក្រែន បានអះអាងថាទាហានកូរ៉េខាងជើងបានដកថយក្រោយស្លាប់និងរបួសជាច្រើន។ ប្រភពពីសារព័ត៌មានAFP។

ប្រទេសកាតាកាលពីថ្ងៃចន្ទ(ទី៣ខែកុម្ភៈ)បានបើកដំណើរការផ្លូវអាកាសមួយពីប្រទេសហ្ស៊កដានីដើម្បីចែកចាយការផ្គត់ផ្គង់ផ្នែកវេជ្ជសាស្រ្តបន្ទាន់ទៅកាន់តំបន់ហ្គាហ្សាជាកន្លែងដែលមន្ទីរពេទ្យប្រឈមនឹងការខ្វះខាតយ៉ាងខ្លាំងដោយសារតែអំពើប្រល័យពូជសាសន៍អ៊ីស្រាអែលជាង 15 ខែ។ ប្រភពពីសារព័ត៌មានAnadolu។ យោងតាមសេចក្តីថ្លែងការណ៍របស់ក្រសួងការបរទេសកាតា ប្រតិបត្តិការបានចាប់ផ្តើមចេញពីមូលដ្ឋានទ័ពអាកាស King Abdullah II ក្នុងប្រទេសហ្ស៊កដានី ជាមួយនឹងឧទ្ធម្ភាគចក្រដឹកជំនួយទៅកាន់ទីប្រជុំជន Al-Qarara ក្នុង Khan Younis ភាគខាងត្បូង…

កាលពីថ្ងៃចន្ទ(ទី៣ខែកុម្ភៈ) ការិយាល័យប្រព័ន្ធផ្សព្វផ្សាយរដ្ឋាភិបាលនៃតំបន់ហ្គាហ្សា បានលើកឡើងថា អ៊ីស្រាអែល រារាំងជំនួយនៃការផ្គត់ផ្គង់ជម្រក និងប្រេងឥន្ធនៈ ដោយរំលោភលើកិច្ចព្រមព្រៀងបទឈប់បាញ់។ ប្រភពពីសារព័ត៌មានAnadolu។

កាលពីថ្ងៃច័ន្ទ(ទី៣ខែកុម្ភៈ) មន្ទីរបញ្ចកោណ បាននិយាយថា ទាហានអាមេរិក បានមកដល់ទីតាំងកងទ័ពជើងទឹកអាមេរិក ដែលមានរឿងអាស្រូវនៅឈូងសមុទ្រ Guantanamo ប្រទេសគុយបា កាលពីចុងសប្តាហ៍ ដើម្បីបង្កើតមជ្ឈមណ្ឌលឃុំឃាំងជនចំណាកស្រុកដែលបញ្ជា ដោយប្រធានាធិបតី Donald Trump ។

ជនស៊ីវិល៤៤នាក់ត្រូវបានសម្លាប់ និង២៨នាក់រងរបួសក្នុងការវាយប្រហារដោយក្រុមបក្សពួកនៃចលនារំដោះប្រជាជនស៊ូដង់ខាងជើង (SPLM-N) ដឹកនាំដោយ Abdelaziz al-Hilu នៅលើ Kadugli រដ្ឋធានីនៃរដ្ឋ Kordofan ភាគខាងត្បូងប្រទេសស៊ូដង់។

Alliance Fleuve Congo ដែលជាសម្ព័ន្ធមិត្តឧទ្ទាមនៅភាគខាងកើតនៃសាធារណរដ្ឋប្រជាធិបតេយ្យកុងហ្គោ ដែលរួមមានក្រុមឧទ្ទាម M23 បានប្រកាសបទឈប់បាញ់ ចាប់ពីថ្ងៃទី 4 ខែកុម្ភៈ នៅក្នុងសេចក្តីថ្លែងការណ៍មួយកាលពីល្ងាចថ្ងៃចន្ទ(ទី៣ខែកុម្ភៈ)។ ប្រភពពីសារព័ត៌មានnadolu។