Category: ពត៌មានអន្តរជាតិ

ប្រធានាធិបតីអាមេរិក Joe Biden បានប្រារព្ធទិវាអតីតយុទ្ធជនចុងក្រោយរបស់គាត់ក្នុងនាមជាអគ្គមេបញ្ជាការនៅថ្ងៃច័ន្ទ ដោយសាទរវីរបុរសសង្រ្គាមរបស់អាមេរិក និងបានសន្យាថានឹងពង្រីកអត្ថប្រយោជន៍របស់ពួកគេមុនពេលគាត់ចាកចេញពីតំណែង។

កូរ៉េខាងជើង បានផ្ដល់សច្ចាប័នលើសន្ធិសញ្ញាការពារគ្នាទៅវិញទៅមកជាមួយរុស្ស៊ី ដែលចុះហត្ថលេខាដោយមេដឹកនាំនៃប្រទេសទាំង២ កាលពីខែមិថុនាកន្លងទៅ ដោយមានចែងពីការធ្វើអន្តរាគមន៍ផ្ដល់ជំនួយ ក្នុងករណីភាគីម្ខាងណាមួយរងការវាយប្រហារប្រដាប់អាវុធ។

ក្រសួងសុខាភិបាលលីបង់ បាននិយាយកាលពីថ្ងៃចន្ទ(ទី១១ខែវិច្ឆិកា)ថា ចំនួនអ្នកស្លាប់ ដោយសារការវាយលុកដែលកំពុងបន្តរបស់អ៊ីស្រាអែល លើប្រទេសលីបង់ ចាប់តាំងពីថ្ងៃទី 8 ខែតុលា ឆ្នាំ 2023 បានកើនឡើងដល់ 3,240នាក់ហើយ។

វិមានក្រឹមឡាំង កាលពីថ្ងៃចន្ទ(ទី១១ខែវិច្ឆិកា)ចេញមុខច្រានចោលអំពីព័ត៌មាន ដែលថាប្រធានាធិបតីជាប់ឆ្នោតអាមេរិក លោក ដូណាល់ ត្រាំ និងប្រធានាធិបតីរុស្ស៊ី លោក វ៉្លាឌីមៀ ពូទីន បានសន្ទនាគ្នាតាមទូរស័ព្ទ កាលពីសប្តាហ៍មុន ហើយជជែកអំពីបញ្ហាសង្រ្គាមនៅអ៊ុយក្រែន។

ការវាយប្រហារតាមអាកាសពេញមួយយប់ បានសម្លាប់មនុស្ស ៥នាក់ រងរបួស១៩នាក់ និងបង្កការឆាបឆេះដល់អគារមួយចំនួន នៅភាគខាងត្បូងនៃប្រទេសអ៊ុយក្រែន។

អាជ្ញាធរបាននិយាយ កាលពីថ្ងៃអាទិត្យ(ទី១០ខែវិច្ឆិកា)ថា មនុស្ស៧ នាក់បានស្លាប់ និង ២០នាក់ទៀតរងរបួស នៅក្នុងការវាយប្រហារតាមអាកាសរបស់អ៊ីស្រាអែល នៅក្នុងតំបន់ Sayyidah Zaynab ជាយក្រុងនៃរដ្ឋធានី Damascus របស់ប្រទេសស៊ីរី។ ប្រភពពីសារព័ត៌មានAnadolu។

របាយការណ៍មួយបាននិយាយកាលពីថ្ងៃអាទិត្យ(ទី១០ខែវិច្ឆិកា)ថា ប្រធានាធិបតីជាប់ឆ្នោតរបស់អាមេរិក លោក Donald Trump បានប្រាប់ប្រធានាធិបតីរុស្ស៊ីលោក Vladimir Putin កុំឱ្យធ្វើឱ្យស្ថានការណ៍នៅអ៊ុយក្រែនកាន់តែតានតឹងនៅក្នុងការហៅទូរស័ព្ទ។

កងកម្លាំងអូស្ត្រាលី បានធ្វើដំណើរមកដល់ប្រទេសឥណ្ឌូនេស៊ីហើយកាលពីថ្ងៃអាទិត្យ(ទី១០ខែវិច្ឆិកា) ដោយចូលចតនៅកំពង់ផែ Banyuwangi ខេត្ត East Java ដើម្បីត្រៀមចូលរួមក្នុងសមយុទ្ធយោធារួមគ្នា ជាមួយកងទ័ពឥណ្ឌូនេស៊ី ដែលមានទាហានសរុបប្រមាណ ២,០០០នាក់ មកពីប្រទេសទាំងពីរ។

ប្រព័ន្ធផ្សព្វផ្សាយអ៊ីស្រាអែលបាននិយាយកាលពីថ្ងៃអាទិត្យ(ទី១០ខែវិច្ឆិកា)ថា ក្រុមហ៊ុនអាកាសចរណ៍ធំៗចំនួនបីរបស់អឺរ៉ុបបានលុបចោលជើងហោះហើររបស់ពួកគេទៅ និងមកពីប្រទេសអ៊ីស្រាអែល ដោយសារតែការកើនឡើងនៃភាពតានតឹងក្នុងតំបន់។ ប្រភពពីសារព័ត៌មាន Anadolu នៅថ្ងៃចន្ទនេះ។

ជនជាតិប៉ាឡេស្ទីន 46 នាក់ក្នុងនោះកុមារ 16 នាក់ត្រូវបានសម្លាប់នៅក្នុងការវាយប្រហារតាមអាកាសរបស់អ៊ីស្រាអែលនៅតំបន់ហ្គាហ្សាស្ទ្រីបកាលពីថ្ងៃអាទិត្យ(ទី១០ខែវិច្ឆិកា)។ ប្រភពពីសារព័ត៌មាន Anadolu ។