Update៖ អាមេរិក បើកការវាយប្រហារតាមអាកាសចំនួន១៥លើកលើទីក្រុងSanaa!

ប្រព័ន្ធផ្សព្វផ្សាយ Houthi បានរាយការណ៍ថា យន្តហោះចម្បាំងអាមេរិក បានបើកការវាយប្រហារតាមអាកាសចំនួន 15លើក លើតំបន់ភាគខាងត្បូងនៃទីក្រុង Sanaa កាលពីល្ងាចថ្ងៃពុធ(ទី២៦ខែមីនា)។ ប្រភពពីសារព័ត៌មានAnadolu Agency។

ចំនួនអ្នកស្លាប់នៅតំបន់ហ្គាហ្សា បានកើនដល់៥០.១៤៤នាក់ ខណៈសាកសពច្រើនទៀតនៅក្រោមគំនរបាក់បែក!

ក្រសួងសុខាភិបាលប៉ាឡេស្ទីន បាននិយាយកាលពីថ្ងៃអង្គារ៍(ទី២៥ខែមីនា)ថា ក្រុមគ្រូពេទ្យនិងក្រុមជួយសង្គ្រោះប៉ាឡេស្ទីន បានរកឃើញសាកសពចំនួន៧បន្ថែមទៀតពីគំនរបាក់បែក នៅតំបន់ហ្គាហ្សាស្ទ្រីប ដែលជំរុញឱ្យចំនួនអ្នកស្លាប់សរុបពីសង្គ្រាមប្រល័យពូជសាសន៍ របស់អ៊ីស្រាអែលចាប់តាំងពីខែតុលាឆ្នាំ 2023 កើនដល់ 50,144នាក់។

Update៖ លោក Lukashenko ស្បថចូលកាន់តំណែងជាប្រធានាធិបតីបេឡារុស្សថ្មី!

លោក Alexander Lukashenko កាលពីថ្ងៃអង្គារ(ទី២៥ខែមីនា)បានស្បថចូលកាន់តំណែងជាលើកទីប្រាំពីរជាប្រធានាធិបតីបេឡារុស្ស។ ប្រភពពីសារព័ត៌មានAljazeera។

Update៖ កាតា ថ្កោលទោសគោលនយោបាយរបស់អ៊ីស្រាអែលក្នុងការជម្លៀសប្រជាជនប៉ាឡេស្ទីនចេញពីតំបន់ហ្គាហ្សា!

ក្រសួងការបរទេសកាតាកាលពីថ្ងៃចន្ទ(ទី២៤ខែមីនា)បានថ្កោលទោសគោលនយោបាយរបស់អ៊ីស្រាអែលក្នុងការផ្លាស់ទីលំនៅប្រជាជនប៉ាឡេស្ទីនចេញពីតំបន់ហ្គាហ្សាស្ទ្រីប និងការពង្រីកការតាំងទីលំនៅ។

Update៖ ក្រុមហ៊ូធី បាញ់មីស៊ីលពីរគ្រាប់ ទៅលើអាកាសយានដ្ឋានBen Gurion របស់អ៊ីស្រាអែល!

ក្រុមHouthiយេម៉ែនបាននិយាយកាលពីថ្ងៃអង្គារ(ទី២៥ខែមីនា)ថា ខ្លួនបានកំណត់គោលដៅទៅលើអាកាសយានដ្ឋាន Ben Gurion នៅកណ្តាលប្រទេសអ៊ីស្រាអែលជាមួយនឹងកាំជ្រួចពីរគ្រាប់ ខណៈដែលភាពតានតឹងក្នុងតំបន់បន្តកើនឡើងជុំវិញការវាយប្រហាររបស់អ៊ីស្រាអែលដែលកំពុងបន្តលើតំបន់ Gaza Strip។

Update៖ នាយករដ្ឋមន្ត្រីថៃ បានឈ្នះសម្រាប់ការបោះឆ្នោតមិនទុកចិត្តក្នុងសភា!

នាយករដ្ឋមន្ត្រីថៃ Paetongtarn Shinawatra បានរួចផុតពីការបោះឆ្នោតមិនទុកចិត្តក្នុងសភាកាលពីថ្ងៃពុធ (២៦ ខែមីនា)។

Update៖ ភ្លើងឆេះព្រៃនៅប្រទេសកូរ៉េខាងត្បូង ស្លាប់១៨នាក់និងរបួសជិត២០នាក់!

ក្រុមមន្ត្រីនិយាយថា មនុស្សយ៉ាងហោចណាស់ 18 នាក់បានស្លាប់ និងជិត 20 នាក់បានរងរបួស។ ដោយសារភ្លើងឆេះព្រៃនៅតំបន់ជាច្រើននៅទូទាំងតំបន់ភាគអាគ្នេយ៍របស់ប្រទេសកូរ៉េខាងត្បូង។ ខណៈដែលក្រុមអ្នកពន្លត់អគ្គីភ័យ និងទាហានរាប់ពាន់នាក់ កំពុងតស៊ូដើម្បីគ្រប់គ្រងភ្លើងដែលកំពុងរីករាលដាលយ៉ាងឆាប់រហ័ស។

Update៖ គ្រោះរញ្ជួយដីកម្រិត៦.៨រ៉ិចទ័រ វាយប្រហារនៅឆ្នេរសមុទ្រនៃប្រទេសនូវែលសេឡង់!

ទីភ្នាក់ងារស្ទាបស្ទង់ភូមិសាស្ត្រអាមេរិក (USGS) បាននិយាយថាគ្រោះរញ្ជួយដីកម្រិត ៦.៨រ៉ិចទ័របានវាយប្រហារនៅឆ្នេរសមុទ្រ Riverton ក្នុងប្រទេសនូវែលសេឡង់ កាលពីថ្ងៃអង្គារ(ទី២៥ខែមីនា)។

Update៖ យោធាមីយ៉ាន់ម៉ា ទម្លាក់គ្រាប់បែកលើគ្លីនិកមួយកន្លែង បណ្តាលឲ្យស្លាប់១១នាក់!

សារព័ត៌មាន Myanmar Now បានរាយការណ៍កាលពីថ្ងៃចន្ទ(ទី២៤ខែមីនា)ថា របបយោធាមីយ៉ាន់ម៉ាបានទម្លាក់គ្រាប់បែកលើគ្លីនិកវេជ្ជសាស្រ្តមួយនៅតំបន់ Magway កាលពីចុងសប្តាហ៍ ដោយបានសម្លាប់មនុស្សយ៉ាងហោចណាស់11នាក់ ក្នុងនោះវេជ្ជបណ្ឌិតនិងក្រុមគ្រួសារ របស់គាត់ផងដែរ។

UN ថ្លែងថា ការផ្អាកជំនួយរបស់អាមេរិក គឺនាំឲ្យឆ្លងជំងឺអេដស៍ក្នុង១ថ្ងៃៗប្រមាណ២.០០០នាក់!

ទីភ្នាក់ងារជំងឺអេដស៍របស់អង្គការសហប្រជាជាតិ (UNAIDS) បានព្រមាន កាលពីថ្ងៃចន្ទ(ទី២៤ខែមីនា)ថា ការផ្អាកជំនួយរបស់អាមេរិក អាចនាំឱ្យមានការឆ្លងមេរោគអេដស៍ថ្មី ប្រមាណ២.០០០ ករណីក្នុងមួយថ្ងៃ នៅទូទាំងពិភពលោក និងការកើនឡើងនៃការស្លាប់ដែលពាក់ព័ន្ធនឹងជំងឺនេះរហូតដល់ដប់ដង។